‘അന്തർവാഹിനികളുടെ അന്തകൻ’ അമേരിക്കയിൽനിന്ന് ഇന്ത്യയിലേക്ക്

ന്യൂഡൽഹി: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ സന്ദർശനത്തോടെ ഇന്ത്യ സ്വന്തമാക്കാൻ പോകുന്നത് 'അന്തർവാഹിനികളുടെ അന്തകൻ' എന്നറിയപ്പെടുന്ന സീഹോക് ഹെലികോപ്റ്ററുകൾ. ഇന്ത്യൻ മഹാസമുദ്രത്തിൽ ചൈനീസ് സാന്നിധ്യം വർധിച്ചുവരുന്ന സാഹചര്യത്തിൽ നാവികസേനയുടെ കരുത്തുകൂട്ടാൻ അമേരിക്കൻ നിർമിത സീഹോക് തുണയേകും. അമേരിക്കൻ കരസേന ഉപയോഗിക്കുന്ന യു.എച്ച്.-60 ബ്ലാക്ക്ഹോക് ഹെലികോപ്റ്ററിന്റെ നാവികപ്പതിപ്പാണ് എം.എച്ച്.-60 റോമിയോ സീഹോക്ക്. കപ്പലുകൾ, അന്തർവാഹിനികൾ എന്നിവയെ ആക്രമിച്ചുതകർക്കാൻ കഴിയുന്ന ഇവ ലോകനാവികരംഗത്തെ മികച്ച ബഹുദൗത്യ ഹെലികോപ്റ്ററുകളിലൊന്നാണ്. അമേരിക്കൻ ആയുധക്കമ്പനിയായ ലോക്ക്ഹീഡ് മാർട്ടിനാണ് നിർമാതാക്കൾ. 24 സീഹോക് കോപ്റ്ററുകളാണ് ഇന്ത്യ വാങ്ങുന്നത്. സവിശേഷതകൾ * പൈലറ്റ്, കോ-പൈലറ്റ് എന്നിവരുൾപ്പെടെ ഒമ്പതുപേരെ സീഹോക്ക് വഹിക്കും * ഹെൽഫെയർ മിസൈൽ, ടോർപിഡോ, യന്ത്രത്തോക്ക് എന്നിവ പ്രധാന ആയുധങ്ങൾ * അന്തർവാഹിനികളെ കണ്ടെത്താൻ എ.എൻ./എ.ക്യു.എസ്.-22 എയർബോൺ ലോ ഫ്രീക്വൻസി സോണാർ സംവിധാനം * എത്ര ആഴത്തിലുള്ള അന്തർവാഹിനികളുടെ സാന്നിധ്യവും തിരിച്ചറിയാൻ കഴിയും * ഹെലികോപ്റ്ററിനു നേർക്കുള്ള ആക്രമണങ്ങൾ മുൻകൂട്ടി തിരിച്ചറിയാൻ മിസൈൽ മുന്നറിയിപ്പു സംവിധാനം, ലേസർ മുന്നറിയിപ്പു സംവിധാനം, ഇൻഫ്രാറെഡ് ജാമർ തുടങ്ങിയവ. * അന്തർവാഹിനികളെ ആക്രമിക്കൽ, ഉപരിതല സമുദ്രപോരാട്ടം, നാവികസേനയുടെ ആക്രമണങ്ങളെ പിന്തുണയ്ക്കൽ, നിരീക്ഷണം, രക്ഷാപ്രവർത്തനം തുടങ്ങിയ ദൗത്യങ്ങൾക്കു ഫലപ്രദം. * 1425 കിലോവാട്ട് ശേഷിയുള്ള രണ്ടു ടർബോഷാഫ്റ്റ് എൻജിൻ * 2230 ലിറ്റർ ഇന്ധനശേഷി. സ്വയം ചോർച്ച അടയ്ക്കാൻ സാധിക്കുന്ന ഇന്ധനടാങ്ക് * ഹെലികോപ്റ്ററിന്റെ ഭാരം 6895 കിലോഗ്രാം * പരമാവധി 10,659 കിലോഗ്രാം ഭാരത്തോടെ ടേക്ക് ഓഫ് ചെയ്യാൻ സാധിക്കും * വേഗം മണിക്കൂറിൽ 267 കിലോമീറ്റർ * പരമാവധി 5791 മീറ്റർ ഉയരത്തിൽ പറക്കാൻ സാധിക്കും * 2007-മുതൽ യു.എസ്. നാവികസേന ഉപയോഗിക്കുന്നു * ചെലവ് 260 കോടി ഡോളർ (18,624 കോടിയോളം രൂപ) * ഏതാനും മാസംമുമ്പ് അമേരിക്കയിൽനിന്ന് ഹെവി-ലിഫ്റ്റ് ഹെലികോപ്റ്ററായ ചിനൂക്ക്, ആക്രമണ ഹെലികോപ്റ്ററായ അപ്പാച്ചെ എന്നിവ ഇന്ത്യ വാങ്ങിയിരുന്നു. content highlights;Ahead of Trump Visit: India Clears Procurement of 24 MH-60R Seahawk Helicopters

from mathrubhumi.latestnews.rssfeed https://ift.tt/2Va9Nro
via IFTTT