സെന്‍സെക്‌സില്‍ 406 പോയന്റ് നേട്ടത്തോടെ തുടക്കം

മുംബൈ: കഴിഞ്ഞയാഴ്ചയിലെ തളർച്ചയിൽനിന്ന് കരകയറി ഓഹരി സൂചികകൾ. വ്യാപാരം ആരംഭിച്ചയുടനെ സെൻസെക്സ് 406 പോയന്റ് നേട്ടത്തിൽ 32049ലും നിഫ്റ്റി 113 പോയന്റ് ഉയർന്ന് 9365ലുമെത്തി. ബിഎസ്ഇയിലെ 653 കമ്പനികളുടെ ഓഹരികൾ നേട്ടത്തിലും 137 ഓഹരികൾ നഷ്ടത്തിലുമായിരുന്നു. 40 ഓഹരികൾക്ക് മാറ്റമില്ല. ടാറ്റ മോട്ടോഴ്സ്, സീ എന്റർടെയ്ൻമെന്റ്, ഐടിസി, ഗെയിൽ, വേദാന്ത, മാരുതി സുസുകി, റിലയൻസ്, യുപിഎൽ, ഹിൻഡാൽകോ, കൊട്ടക് മഹീന്ദ്ര, ബജാജ് ഓട്ടോ, ഐഒസി തുടങ്ങിയ ഓഹരികളാണ് നേട്ടത്തിൽ. ഡോ.റെഡ്ഡീസ് ലാബ്, ഐസിഐസിഐ ബാങ്ക്, നെസ് ലെ തുടങ്ങിയ ഓഹരികൾ നഷ്ടത്തിലുമാണ്. നിഫ്റ്റി ബാങ്ക്, ഐടി, ഓട്ടോ, എഫ്എംസിജി, ലോഹം, ഓയിൽ ആൻഡ് ഗ്യാസ് തുടങ്ങിയ സൂചികകൾ നേട്ടത്തിലാണ്. ബിഎസ്ഇ സ്മോൾക്യാപ്, മിഡ് ക്യാപ് സൂചികകൾ ഒരുശതമാനത്തോളം ഉയർന്നു. കോവിഡ് ഭീഷണി നിലനിൽക്കുന്നതിനാൽ കരുതലോടെയാണ് നിക്ഷേപകർ വിപണിയിൽ ഇടപെടുന്നത്.

from mathrubhumi.latestnews.rssfeed https://ift.tt/2LhozXd
via IFTTT