കോപ്പിയടി തടയാന്‍ വിദ്യാര്‍ഥികളുടെ തലയിൽ കാര്‍ഡ്‌ബോര്‍ഡ് ബോക്‌സ്; നടപടി വിവാദത്തിൽ

ബെംഗളൂരു: കർണാടകയിലെ സ്വകാര്യ കോളേജിൽകോപ്പിയടി തടയാൻ വിദ്യാർഥികളുടെ തലയിൽകാർഡ്ബോർഡ് പെട്ടികൾ ധരിപ്പിച്ച സംഭവം വിവാദമാകുന്നു. ഹവേരി ജില്ലയിലെ ഭഗത് പ്രീ-യൂണിവേഴ്സിറ്റി കോളേജിലാണ് സംഭവം. കോളേജ് മാനേജ്മെന്റ് അംഗം ഫെയ്സ്ബുക്കിൽ ബോക്സുകൾ ധരിച്ച വിദ്യാർഥികളുടെ ചിത്രങ്ങൾ പോസ്റ്റ് ചെയ്തതോടെയാണ് ഇത് പുറംലോകമറിഞ്ഞത്. കഴിഞ്ഞ തവണത്തെ പരീക്ഷയ്ക്ക് ധാരാളം വിദ്യാർഥികൾ പരസ്പരം സഹായിച്ചിരുന്നുവെന്നും ഇത്തരം പ്രവണത തടയാനാണ് കോളേജിന്റെ പുതിയ നടപടിയെന്നും ഫെയ്സ്ബുക്ക് പോസ്റ്റിൽ അവകാശപ്പെട്ടിരുന്നു. വിവാദമായതോടെ പോസ്റ്റ് പിന്നീട് നീക്കം ചെയ്തു.എന്നാൽ മറ്റുപലരും ഇത് റീപോസ്റ്റ് ചെയ്തിട്ടുണ്ട്. Karnataka: Students were made to wear cardboard boxes during an exam at Bhagat Pre-University College in Haveri, reportedly to stop them from cheating. (16.10.2019) pic.twitter.com/lPR5z0dsUs — ANI (@ANI) October 18, 2019 വിദ്യാർഥികൾ കാർഡ്ബോർഡ് ബോക്സുകൾ ധരിച്ച ഫോട്ടോകൾ സാമൂഹ്യ മാധ്യമങ്ങളിൽ വൈറലായതോടെ നിരവധിപ്പേരാണ് കോളേജിനെതിരെ പ്രതികരണവുമായി രംഗത്തുവന്നിരിക്കുന്നത്. സംഭവത്തിൽ വിശദീകരണം തേടി സംസ്ഥാന സർക്കാർ കോളേജിന് നോട്ടീസ് അയച്ചിട്ടുണ്ട്. Content Highlights: Karnataka College Made Students Wear Cardboard Boxes to Allegedly Stop Them from Cheating

from mathrubhumi.latestnews.rssfeed https://ift.tt/2oU9a7K
via IFTTT