മരിച്ച പാചകക്കാരന് കോവിഡ്; മലയാളി താരങ്ങളടക്കം പരിശീലിക്കുന്ന ബെംഗളൂരു സായിയില്‍ ലോക്ക്ഡൗണ്‍

ബെംഗളൂരു: ഹൃദയാഘാതത്തെ തുടർന്ന് മരിച്ച പാചകക്കാരൻ കോവിഡ് ബാധിതനാണെന്ന് പരിശോധനാ ഫലം വന്നതോടെ ബെംഗളൂരു സ്പോർട്സ് അതോറിറ്റി ഓഫ് ഇന്ത്യ (സായി) കേന്ദ്രത്തിൽ സമ്പൂർണ ലോക്ക്ഡൗൺ പ്രഖ്യാപിച്ചു. മലയാളികളടക്കമുള്ള താരങ്ങളും ജീവനക്കാരും നിരീക്ഷണത്തിലാണ്. ഇന്ത്യൻ ഹോക്കിതാരം പി.ആർ. ശ്രീജേഷ്, ഒളിമ്പ്യൻ കെ.ടി. ഇർഫാൻ തുടങ്ങിയ താരങ്ങളടക്കം ഇവിടെ പരിശീലിക്കുന്നുണ്ട്. മരിച്ച പാചകക്കാരൻ ചൊവ്വാഴ്ച സായിയിൽനടന്ന യോഗത്തിനെത്തിയിരുന്നു. 25 മുതൽ 30 വരെ ആളുകൾ പങ്കെടുത്ത ഈ യോഗത്തിനെത്തിയ എല്ലാവരോടും ക്വാറന്റൈനിൽ പോകാൻ ആവശ്യപ്പെട്ടിട്ടുണ്ടെന്ന് സായ് വൃത്തങ്ങൾ അറിയിച്ചു. പരിശോധനകൾക്ക് ശേഷമാണ് ഇദ്ദേഹത്തെ ക്യാമ്പസിലേക്ക് കടക്കാൻ അനുവദിച്ചിരുന്നത്. പിന്നീടാണ് അദ്ദേഹത്തെ ഒരു സ്വകാര്യ ആശുപത്രിയിൽ പ്രവേശിപ്പിക്കുന്നത്. ഹൃദയാഘാതത്തെ തുടർന്ന് അദ്ദേഹം മരിക്കുകയായിരുന്നു. അടുത്ത ദിവസമാണ് അദ്ദേഹത്തിന്റെ സാമ്പിൾ കോവിഡ് പോസിറ്റീവാണെന്ന് തെളിഞ്ഞത്. ടോക്കിയോ ഒളിമ്പിക്സിനായി പരിശീലനം നടത്തുന്ന ഇന്ത്യൻ പുരുഷ - വനിതാ ഹോക്കി സ്ക്വാഡുകളും അത്ലറ്റിക്സ് സ്ക്വാഡിലെ പത്തോളം അംഗങ്ങളും ഈ കേന്ദ്രത്തിലുണ്ട്. 15-ഓളം സായി ഉദ്യോഗസ്ഥരും അവരുടെ കുടുംബങ്ങളും കാമ്പസിൽ താമസിക്കുന്നുണ്ട്. Content Highlights: cook passed away and later tested positive for Covid-19 SAI Centre total lockdown

from mathrubhumi.latestnews.rssfeed https://ift.tt/2zdiLf3
via IFTTT