നഷ്ടംതിരിച്ചുപിടിച്ച് വിപണി: സെന്‍സെക്‌സില്‍ 435 പോയന്റ് നേട്ടത്തോടെ തുടക്കം

മുംബൈ: കഴിഞ്ഞ ദിവസത്തെ നഷ്ടംതിരിച്ചുപിടിച്ച് ഓഹരി വിപണി. സെൻസെക്സ് 435 പോയന്റ് നേട്ടത്തിൽ 36468ലും നിഫ്റ്റി 128 പോയന്റ് ഉയർന്ന് 10735ലുമെത്തി. ബിഎസ്ഇയിലെ 1121 കമ്പനികളുടെ ഓഹരികൾ നേട്ടത്തിലും 488 ഓഹരികൾ നഷ്ടത്തിലുമാണ്. വിപ്രോ, ആക്സിസ് ബാങ്ക്, ഇൻഫോസിസ്, ടെക് മഹീന്ദ്ര, ടാറ്റ സ്റ്റീൽ, ബജാജ് ഫിനാൻസ്, ഹിൻഡാൽകോ, ഐസിഐസിഐ ബാങ്ക്, എച്ച്സിഎൽ ടെക്, എസ്ബിഐ, റിലയൻസ്, ടിസിഎസ് തുടങ്ങിയ ഓഹരകൾ നേട്ടത്തിലാണ്. ഭാരതി എയർടെൽ, യുപിഎൽ, ഐഒസി, ഐടിസി, ഭാരതി ഇൻഫ്രടെൽ തുടങ്ങിയ ഓഹരികൾ നഷ്ടത്തിലുമാണ്. ഇൻഫോസിസിന്റെ ജൂൺ പാദത്തിലെ പ്രവർത്തനഫലങ്ങൾ പുറത്തുവിടാനിരിക്കെയാണ് ഓഹരിയുടെ വില രണ്ടുശതമാനത്തോളം നേട്ടമുണ്ടാക്കിയത്. റിലയൻസിന്റെ 43-ാമത് വാർഷിക പൊതുയോഗം വീഡിയോ കോൺഫറൻസിലൂടെ ഉച്ചയ്ക്ക് രണ്ടുമണിക്കും നടക്കും. പ്രതീക്ഷിതിലുമേറെ മികച്ച പ്രവർത്തനഫലം പുറത്തുവിട്ടതിനെതുടർന്ന് വിപ്രോയുടെ ഓഹരി വിലയിൽ 10ശതമാനമാണ് കുതിപ്പുണ്ടായത്.

from mathrubhumi.latestnews.rssfeed https://ift.tt/3fuzTNp
via IFTTT