സെന്‍സെക്‌സില്‍ 154 പോയന്റ് നേട്ടത്തോടെ തുടക്കം

മുംബൈ: കഴിഞ്ഞ ദിവസത്തെ നഷ്ടത്തിൽനിന്നുയർത്തെഴുന്നേറ്റ് ഓഹരി വിപണി. സെൻസെക്സ് 154 പോയന്റ് നേട്ടത്തിൽ 36,483ലും നിഫ്റ്റി 40 പോയന്റ് 10,745ലുമാണ് വ്യാപാരം ആരംഭിച്ചത്. ബിഎസ്ഇയിലെ 740 കമ്പനികളുടെ ഓഹരികൾ നേട്ടത്തിലും 327 പോയന്റ് നഷ്ടത്തിലുമാണ്. 34 ഓഹരികൾക്ക് മാറ്റമില്ല. ഏഷ്യൻ വിപണികളിലെ നേട്ടമാണ് ആഭ്യന്തര സൂചികകളിലും പ്രതിഫലിച്ചത്. ഹിൻഡാൽകോ, ടാറ്റ സ്റ്റീൽ, വേദാന്ത, അദാനി പോർട്സ്, ആക്സിസ് ബാങ്ക്, ഐഒസി, എസ്ബിഐ, ഗെയിൽ, ഹിന്ദുസ്ഥാൻ യുണിലിവർ, ഏഷ്യൻ പെയിന്റ്സ്, എച്ച്ഡിഎഫ്സി തുടങ്ങിയ ഓഹരികളാണ് നേട്ടത്തിൽ. ഹീറോ മോട്ടോർകോർപ്, യുപിഎൽ, മാരുതി സുസുകി, ടെക് മഹീന്ദ്ര, ടാറ്റ മോട്ടോഴ്സ്, ടിസിഎസ്, ഐടിസി, റിലയൻസ് തുടങ്ങിയ ഓഹരകളാണ് നഷ്ടത്തിൽ. ടിസിഎസ് ഉൾപ്പടെ 19 കമ്പനികളാണ് വ്യാഴാഴ്ച പാദഫലങ്ങൾ പുറത്തുവിടുന്നത്.

from mathrubhumi.latestnews.rssfeed https://ift.tt/2AI9zA1
via IFTTT