തൃശൂര്: തൃശൂര് ശ്രീകേരളവര്മ കോളജിലെ അധ്യാപിക ദീപനിശാന്ത് കവിത മോഷ്ടിച്ചെന്ന സംഭവത്തില് യുജിസിക്ക് കോളജ് പ്രിന്സിപ്പല് റിപ്പോര്ട്ട് നല്കി. റിപ്പോര്ട്ട് തയാറാക്കുന്നതിനു മുന്നോടിയായി സ്റ്റാഫ് കൗണ്സിലിന്റെ യോഗം ചേര്ന്ന് അവരുടെ അഭിപ്രായങ്ങള് കൂടി ക്രോഡീകരിച്ചാണ് പ്രിന്സിപ്പല് ഈശ്വരി യുജിസിക്ക് വിശദമായ റിപ്പോര്ട്ട് സമര്പ്പിച്ചിരിക്കുന്നത്. ദീപനിശാന്തിന്റെ വിശദീകരണവും റിപ്പോര്ട്ടിനൊപ്പം ചേര്ത്തിട്ടുണ്ടെന്നാണു സൂചന.
എന്താണ് സംഭവിച്ചതെന്നതിനെക്കുറിച്ച് വിശദമായ റിപ്പോര്ട്ട് നല്കണമെന്ന് യുജിസി പ്രിന്സിപ്പലിനോട് നോട്ടീസ് മുഖാന്തിരം ആവശ്യപ്പെട്ടിരുന്നു.
കൊച്ചിന് ദേവസ്വം ബോര്ഡിന്റെ കീഴില് വരുന്ന കോളേജായതിനാല് ബോര്ഡിന്റെ അഭിപ്രായവും റിപ്പോര്ട്ട് സമര്പ്പിക്കുന്നതിന്റെ ഭാഗമായി ആരാഞ്ഞ് ബോര്ഡ് ഈ വിഷയത്തില് കൈക്കൊണ്ട നടപടികളെക്കുറിച്ചും റിപ്പോര്ട്ടില് പരാമര്ശിച്ചിട്ടുണ്ട്. കവിതമോഷണവുമായി ബന്ധപ്പെട്ട് കോളജിനു പരാതിയൊന്നും ലഭിച്ചിട്ടില്ലെന്നു റിപ്പോര്ട്ടില് സൂചിപ്പിച്ചിട്ടുണ്ട്.
from Anweshanam | The Latest News From India http://bit.ly/2X9vNko
via IFTTT