കോഴിക്കോട്: കോഴിക്കോട് മെഡിക്കല് കോളേജിൽ ശസ്ത്രക്രിയയ്ക്ക് വിധേയനായ രോഗി മരിച്ചു. ചേമഞ്ചേരി സ്വദേശി ബൈജു ആണ് മരിച്ചത്. മരണ കാരണം ചികിത്സാ പിഴവെന്ന് ആരോപിച്ച് രോഗിയുടെ ബന്ധുക്കള് പരാതി നല്കി. ചികിത്സാ പിഴവുണ്ടായതായി ബന്ധുക്കള് നേരത്തേ മുഖ്യമന്ത്രിക്ക് പരാതി നല്കിയിരുന്നു. ചികിത്സാ രേഖകള് അടക്കമാണ് ഡോക്ടമാര്ക്കതിരെ ആരോഗ്യവകുപ്പിനും മുഖ്യമന്ത്രിക്കും ബന്ധുക്കള് പരാതി നല്കിയത്. എന്നാല് ചികിത്സാ പിഴവ് ഉണ്ടായിട്ടില്ലെന്നാണ് മെഡിക്കല് കോളേജ് സൂപ്രണ്ടിന്റെ വിശദീകരണം.
കഴിഞ്ഞ ഏപ്രില് 13 നാണ് ചേമഞ്ചേരി സ്വദേശി ബൈജുവിന് പിത്താശയത്തിലെ കല്ല് നീക്കം ചെയ്യാന് ശസ്ത്രക്രിയ നടത്തിയത്. താക്കോല് ദ്വാര സര്ജറിയിലൂടെയാണ് കല്ല് നീക്കം ചെയ്തത്. രണ്ട് ദിവസം കഴിഞ്ഞാല് ആശുപത്രി വിടാമെന്നും ഡോക്ടര്മാര് അറിയിച്ചിരുന്നു. എന്നാല് ഒരാഴ്ചയ്ക്കുള്ളില് രോഗി ഗുരുതരാവസ്ഥയിലായി. ശസ്ത്രക്രിയയ്ക്ക് ശേഷം പിത്താശയത്തിലെ നീര് പുറത്തുപോകാന് ട്യൂബ് ഇടണം. എന്നാല് ഈ ട്യൂബ് ഇട്ടില്ലെന്നാണ് ബന്ധുക്കള് പറയുന്നത്.
തീവ്ര പരിചരണ വിഭാഗത്തില് ചികിത്സയില് പ്രവേശിപ്പിച്ച രോഗിയെ രണ്ട് തവണ ഡയാലിസിസിന് വിധേയരാക്കിയിരുന്നു. കൂടുതല് പരിശോധന നടത്താന് സ്വകാര്യ ആശുപത്രിയില് കൊണ്ടുപോകാനും മെഡിക്കല് കോളേജിലെ ഡോക്ടര്മാര് എഴുതി നല്കിയിരുന്നു. പക്ഷെ, മരണം സംഭവിക്കുകയായിരുന്നു
from Anweshanam | The Latest News From India http://bit.ly/2HpmhnG
via IFTTT
