യുഡിഎഫിന്റെ അവിശ്വാസത്തെ പിന്തുണയ്ക്കുമെന്ന് പി.സി ജോര്‍ജ്

തിരുവനന്തപുരം: സംസ്ഥാന സർക്കാരിനെതിരെ യുഡിഎഫ് കൊണ്ടുവരുന്ന അവിശ്വാസ പ്രമേയത്തിന് അനുകൂലമായി നിലപാടെടുക്കുമെന്ന് സ്വതന്ത്ര എംഎൽഎ ആയ പി.സി.ജോർജ്. കൂട്ടുത്തരവാദിത്വം നഷ്ടമായ സർക്കാരാണ് കേരളത്തിലേതെന്നും അദ്ദേഹം പറഞ്ഞു. മുഖ്യമന്ത്രി മറ്റുള്ളവരുടെ അഭിപ്രായം മാനിക്കാതെ തന്നിഷ്ടത്തോടെ ഭരിക്കുകയാണ്. മന്ത്രിസഭയ്ക്ക് കൂട്ടുത്തരവാദിത്വമില്ല. അതിനാലാണ് യുഡിഎഫ് കൊണ്ടുവരുന്ന അവിശ്വാസത്തെ പിന്തുണയ്ക്കുന്നതെന്ന് പി.സി. ജോർജ് പറഞ്ഞു. ഭരണാധികാരികൾ ദുഷിച്ചാൽ പ്രകൃതി കോപിക്കുമെന്നാണ്. പ്രകൃതികോപങ്ങൾ പോലും ഭരണാധികാരി ദുഷിച്ചതിനാലാണെന്ന് വിശ്വസിക്കുന്ന ആളാണ് താനെന്നും പി.സി ജോർജ് മാതൃഭൂമി ന്യൂസിനോട് പറഞ്ഞു. സംസ്ഥാനത്ത് മന്ത്രിമാർക്ക് യാതൊരു വിലയുമില്ല. കുട്ടിസഖാക്കന്മാരാണ് ഭരിക്കാനിറങ്ങിയിരിക്കുന്നത്. ഇവരുടെ ഭരണം ഈ നാട് നശിപ്പിക്കും. മുഖ്യമന്ത്രി ഇതിനൊക്കെ എന്ത് മറുപടി നൽകുമെന്ന് അറിയട്ടെ. അതിന് ശേഷമെ വോട്ട് ചെയ്യുകയുള്ളു. അല്ലെങ്കിൽ അവിശ്വാസത്തിന് അനുകൂലമായി വോട്ട് ചെയ്യും. - പി.സി ജോർജ് പറഞ്ഞു. അതേസമയം രാജ്യസഭാ ഉപതിരഞ്ഞെടുപ്പിൽ തന്റെ വോട്ട് മുന്നണികളുടെ ജയപരാജയങ്ങളെ സ്വാധീനിക്കാത്തതിനാൽ നിഷ്പക്ഷ നിലപാട് സ്വീകരിക്കുമെന്നും അദ്ദേഹം വ്യക്തമാക്കി. Content Highlights:P C George ,No confidence motion

from mathrubhumi.latestnews.rssfeed https://ift.tt/2EpMh3q
via IFTTT