ന്യൂഡല്ഹി: ബി.ജെപി ദേശീയ അധ്യക്ഷന് അമിത്ഷായ്ക്കെതിരായ പരാമര്ശത്തില് കോണ്ഗ്രസ് അദ്ധ്യക്ഷന് രാഹുല് ഗാന്ധിയ്ക്കു തിരഞ്ഞെടുപ്പ് കമ്മിഷന്റെ ക്ലീന്ചിറ്റ്. അമിത്ഷാ കൊലക്കേസിലെ പ്രതിയെന്ന പരാമര്ശം പെരുമാറ്റചട്ടലംഘനമല്ലെന്നു കമ്മിഷന് ചൂണ്ടിക്കാട്ടി. വ്യാഴാഴ്ച വൈകിട്ടാണ് കമ്മീഷന് ഇതു സംബന്ധിച്ചു സമര്പ്പിക്കപ്പെട്ട പരാതിയില് രാഹുലിനു ക്ലീന് ചിറ്റ് നല്കിയത്.
മധ്യപ്രദേശിലെ ജബല്പൂരില് തെരഞ്ഞെടുപ്പ് റാലിയില് സംസാരിക്കവെയാണ് അമിത് ഷാ കുറ്റവിമുക്തനായ കേസ് രാഹുല് കുത്തിപ്പൊക്കിയത്. കൊലക്കേസ് ആരോപിതനായ ബിജെപി അധ്യക്ഷന്... കൊള്ളാം, എന്തു ഗാംഭീര്യമാണതിന്... നിങ്ങള് ജയ് ഷായുടെ പേര് കേട്ടിട്ടുണ്ടോ. അദ്ദേഹം ഒരു മാന്ത്രികനാണ്. മൂന്നു മാസം കൊണ്ട് അദ്ദേഹം വെറും 50,000 രൂപ 80 കോടിയാക്കി മാറ്റി- എന്നായിരുന്നു രാഹുലിന്റെ പരിഹാസം.
2005-ല് നടന്ന സൊഹ്റാബുദീന് വ്യാജ ഏറ്റുമുട്ടല് കേസ് ചൂണ്ടിക്കാട്ടിയായിരുന്നു രാഹുലിന്റെ അമിത് ഷായ്ക്കെതിരായ ആരോപണം. കേസില് പ്രതിയായ അമിത് ഷായെ തെളിവില്ലെന്നു ചൂണ്ടിക്കാട്ടി കോടതി കുറ്റവിമുക്തനാക്കിയിരുന്നു. വിധിക്കെതിരേ അപ്പീല് നല്കാത്ത സിബിഐ നടപടിക്കെതിരായ ഹര്ജിയും അടുത്തിടെ ബോംബെ ഹൈക്കോടതി തള്ളി.
അതേസമയം പരാമര്ശത്തില് അഹമ്മദാബാദ് കോടതി രാഹുല് ഗാന്ധിക്ക് നോട്ടീസ് അയച്ചു. പരാമര്ശം അമിത് ഷായെ അപകീര്ത്തിപ്പെടുത്തുന്നതാണെന്ന് കാണിച്ച് ബി.ജെ.പി പ്രാദേശിക നേതാവ് നല്കിയ ഹര്ജിയിലാണ് കോടതിയുടെ ഇടപെടല്. കേസ് ജൂലായ് ആറിന് വീണ്ടും പരിഗണിക്കും.
from Anweshanam | The Latest News From India http://bit.ly/2WnZMoo
via IFTTT