കൊച്ചി: ചൊവ്വാഴ്ച പനമ്പിളളി നഗറിനടുത്ത് കൊച്ചി ഷിപ്യാര്ഡിന്റെ പുതിയ കെട്ടിടത്തിനു സമീപം പൊലീസിന്റെയും നാട്ടുകാരുടെയും കണ്മുന്നില് അരങ്ങേറിയ കൊലപാതകത്തിന്റെ സി സി ടിവി ദൃശ്യങ്ങള് പുറത്തു വന്നു. കൊച്ചിയില് ആളെ തട്ടിക്കൊണ്ടു പോയ സംഘം സഞ്ചരിച്ച കാര് അമിത വേഗത്തില് മുന്നോട്ട് പാഞ്ഞതാണ് ബൈക്ക് യാത്രികന്റെ ദാരുണാന്ത്യത്തിനു കാരണം.
തട്ടിക്കൊണ്ടു പോകപ്പെട്ട വിനീത് പൊലീസിനെ കണ്ട് കാറില് നിന്ന് ചാടുന്നതും വിനീത് ചാടിയതിനു പിന്നാലെ കാര് അമിത വേഗത്തില് മുന്നോട്ട് പായുന്നതും ദൃശ്യങ്ങളില് വ്യക്തമാണ്. ഈ പാച്ചിലിനിടെയാണ് കാറിനു മുന്നിലുണ്ടായിരുന്ന ഇരുചക്ര വാഹന യാത്രികനെ ഇടിച്ചു താഴെയിട്ട ശേഷം ശരീരത്തിലൂടെ കാറിടിച്ചു കയറ്റുന്നത്.
പണത്തിനു വേണ്ടി പെരുമ്പാവൂര് സ്വദേശി വിനീതിനെ, ഒട്ടേറെ ക്രിമിനല് കേസുകളില് പ്രതികളായ ജോണ് പോള്,ലൂതര് ബെന് എന്നിവര് ചേര്ന്ന് തട്ടിക്കൊണ്ടു പോകുകയായിരുന്നു. സംഭവവുമായി ബന്ധപ്പെട്ട് ഇവരെ പോലീസ് അറസ്റ്റ് ചെയ്തു. ബൈക്ക് യാത്രികനായ കുമ്പളങ്ങി സ്വദേശി തോമസിനെ ആശുപത്രിയിലെത്തിച്ചെങ്കിലും അവിടെ വച്ച് ജീവന് നഷ്ടമായി. വിനീത് അക്രമികളില് നിന്ന് രക്ഷപ്പെടാന് ശ്രമിക്കുന്നതിനിടെയായിരുന്നു ദാരുണമായ കൊലപാതകം.
from Anweshanam | The Latest News From India http://bit.ly/2G2r27p
via IFTTT
