പത്താം ക്ലാസ് വിദ്യാർത്ഥിനിയെ യുവാവ് വീട്ടിൽ കയറി കഴുത്തറുത്തു കൊന്നു. പ്രണയം നിരസിച്ചതിന്റെ പേരിലാണ് കൊലപാതകം. പത്താം ക്ലാസ് വിദ്യാർത്ഥിനി നികിത(16) ആണ് കൊല്ലപ്പെട്ടത്. കൊലപാതകം നടത്തിയ എഞ്ചിനിയറിംങ് വിദ്യാർഥി അരവിന്ദിനെ (22) നാട്ടുകാർ പിടികൂടി പൊലീസിൽ ഏൽപ്പിച്ചു. തെലങ്കാനയിലെ സംഗ റെഡ്ഢി ജില്ലയിൽ വ്യാഴാഴ്ചയാണ് സംഭവം.
മഹാരാഷ്ട്രയിലെ സ്വകാര്യ എഞ്ചിനിയറിംങ് കോളജിൽ മൂന്നാം വർഷ വിദ്യാർഥിയായ അരവിന്ദ് പെൺകുട്ടി തനിച്ചുള്ളപ്പോൾ വീട്ടിൽ എത്തുകയും വീണ്ടും പ്രണയാഭ്യർത്ഥന നടത്തുകയും ചെയ്തു. പെൺകുട്ടി അത് നിരസിച്ചതോടെ ഇയാൾ കയ്യിൽ കരുതിയ കത്തികൊണ്ട് കഴുത്ത് മുറിക്കുകയായിരുന്നു.
പരിക്കേറ്റ പെൺകുട്ടി അയൽവാസികളെ സഹായത്തിനു വിളിച്ചെങ്കിലും അവർ എത്താൻ വൈകി. അമിതമായി രക്തം വാർന്ന പെൺകുട്ടിയെ കുകട്ട്പള്ളിയിലെ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു.
from Anweshanam | The Latest News From India https://ift.tt/2LHcBUK
via IFTTT
