തിരുവനന്തപുരം: തിരുവനന്തപുരം വിമാനത്താവള നടത്തിപ്പ് അദാനി ഗ്രൂപ്പിന് ലഭിച്ചേയ്ക്കും. ഫിനാന്ഷ്യല് ബിഡില് അദാനി ഗ്രൂപ്പ് ഒന്നാമതാണ്. ഈ മാസം 28നാണ് ഔദ്യോഗിക പ്രഖ്യാപനം. പൊതുമേഖല സ്ഥാപനമായ കെഎസ്ഐഡിസി രണ്ടാം സ്ഥാനത്താണ്. ഡല്ഹി, ഹൈദരാബാദ് വിമാനത്താവള നടത്തിപ്പ് കാരായ ജിഎംആര് മൂന്നാം സ്ഥാനത്തുമാണ്.
രാജ്യാന്തര വിമാനത്താവളത്തിന്റെ നടത്തിപ്പ് സ്വകാര്യ ഏജന്സികളെ ഏല്പ്പിക്കാനുള്ള കേന്ദ്രസര്ക്കാര് തീരുമാനത്തിനെതിരെ നേരത്തേ പ്രതിഷേധമുയര്ന്നിരുന്നു. സംസ്ഥാന സര്ക്കാര് ആദ്യം ഈ നീക്കത്തെ എതിര്ത്തെങ്കിലും പിന്നീട് നടത്തിപ്പവകാശത്തിനായി ബിഡില് പങ്കെടുക്കാന് തീരുമാനിക്കുകയായിരുന്നു. തിരുവനന്തപുരം ഉള്പ്പെടെ ആറ് വിമാനത്താവളങ്ങളുടെ നടത്തിപ്പ് കൈമാറാനാണ് എയര്പോര്ട്ട് അതോറിറ്റി ബിഡ് ക്ഷണിച്ചത്. ജിഎംആറും അദാനിയും ആറു വിമാനത്താവളങ്ങള്ക്ക് വേണ്ടിയും ബിഡ് സമര്പ്പിച്ചിരുന്നു. ന്യൂഡല്ഹി ഇന്ദിരാഗാന്ധി വിമാനത്താവളം ഏറ്റെടുത്ത് വികസിപ്പിച്ചത് ജിഎംആര് ഗ്രൂപ്പാണ്. അദാനി ആദ്യമായാണ് വ്യോമയാന മേഖലയില് മുതല് മുടക്കുന്നത്.
തിരുവനന്തപുരത്തിന് പുറമെ അഹമ്മദാബാദ്, ജയ്പൂര്, ലക്നൗ, മംഗലാപുരം എന്നിവയും അദാനി ഗ്രൂപ്പിന ലഭിച്ചേയ്ക്കും. മംഗലാപുരത്തിന് വേണ്ടി ബിഡ് ചെയ്ത സിയാല് രണ്ടാമതാണ്. ഗുവാഹത്തി വിമാനത്താവളത്തിന്റെ ബിഡ് കോടതി സ്റ്റേ ചെയ്തു. സിയാലിന്റെ പേരില് ബിഡില് പങ്കെടുക്കാനായിരുന്നു ആദ്യ തീരുമാനമെങ്കിലും പിന്നീട് തിരുവനന്തപുരം ഇന്റര്നാഷനല് എയര്പോര്ട്ട് ലിമിറ്റഡ് എന്ന കമ്പനിയുണ്ടാക്കി.
എന്നാല്, മാനദണ്ഡങ്ങള് പാലിക്കേണ്ടതിനാല് കെഎസ്ഐഡിസിയുടെ പേരിലാണ് ബിഡില് പങ്കെടുത്തത്. സംസ്ഥാന സര്ക്കാരിന്റെ അഭ്യര്ഥനപ്രകാരം കെഎസ്ഐഡിസിക്ക് 10 ശതമാനം റൈറ്റ് ഓഫ് ഫസ്റ്റ് റഫ്യൂസല് അനുവദിച്ചിരുന്നു. ഇതുപ്രകാരം, ഏറ്റവും കൂടുതല് തുക നിര്ദേശിക്കുന്നത് മറ്റു രണ്ടു കമ്പനികളാണെങ്കില് പോലും തുക വര്ധിപ്പിക്കാന് കെഎസ്ഐഡിസിക്ക് അവസരം ലഭിക്കുമെന്നായിരുന്നു വിവരം.
from Anweshanam | The Latest News From India https://ift.tt/2tCdsPW
via IFTTT