ന്യൂഡല്ഹി: അനില് അംബാനിയുമായി ബന്ധപ്പെട്ട കോടതിയലക്ഷ്യ കേസിലെ കോടതി ഉത്തരവില് തിരുത്തല് നടത്തിയതിന് രണ്ട് ജീവനക്കാരെ സുപ്രീംകോടതി പിരിച്ചുവിട്ടു. കോടതി അലക്ഷ്യ ഹര്ജിയില് ജസ്റ്റിസ് മാരായ റോഹിങ്ടന് നരിമാന്, വിനീത് ശരണ് എന്നിവര് അടങ്ങിയ ബെഞ്ച് ജനുവരി 7 ന് പുറപ്പെടുവിച്ച വിധിയില് അനില് അംബാനിയോട് നേരിട്ട് കോടതിയില് ഹാജര് ആകാന് നിര്ദേശിച്ചിരുന്നു. എന്നാല് സുപ്രീം കോടതി അന്ന് വൈകിട്ട് വെബ് സൈറ്റില് അപ്ലോഡ് ചെയ്ത ഉത്തരവില് കോടതിയില് നേരിട്ട് ഹാജര് ആകുന്നതില് നിന്ന് അനില് അംബാനിക്ക് ഇളവ് നല്കിയതായാണ് കണ്ടത്.
കോര്ട്ട് മാസ്റ്റര്മാരായ മാനവ് ശര്മ്മ, തപന് കുമാര് ചക്രവര്ത്തി എന്നിവരെ ആണ് ചീഫ് ജസ്റ്റിസ്പിരിച്ചു വിട്ടത്. അനില് അംബാനിയുടെ റിലൈന്സ് കമ്യുണിക്കേഷന്സിന് എതിരെ എറിക്സണ് ഇന്ത്യ നല്കിയ കോടതി അലക്ഷ്യ ഹര്ജിയിലെ ഉത്തരവില് മാറ്റം വരുത്തിയെന്ന ആരോപണത്തെ തുടര്ന്നാണ് നടപടി.സുപ്രീം കോടതി ചട്ടം 11 (13) പ്രകാരം അച്ചടക്ക നടപടിയുടെ ഭാഗം ആയി ജീവനക്കാരെ പിരിച്ച് വിടാന് ചീഫ് ജസ്റ്റിസിന് അധികാരം ഉണ്ട്. ഉത്തരവില് തിരിമറി നടത്തിയ വിഷയത്തില് ചില അഭിഭാഷകര്ക്ക് എതിരെയും അന്വേഷണം പുരോഗമിക്കുന്നതായാണ് സൂചന.
ഇതിനെതിരെ പരാതി ഉയര്ന്നതിനെ തുടര്ന്ന് അന്വേഷണം നടക്കുകയും. അംബാനിക്ക് ആശ്വാസം ആകുന്ന ഉത്തരവ് അപ്ലോഡ് ചെയ്തത് അനധികൃതമായ ഇടപെടലാണെന്ന് എന്നാണ് അന്വേഷണത്തില് കണ്ടെത്തിയത്. തുടര്ന്നാണ് ഭരണഘടനയുടെ 311 അനുച്ഛേദം വ്യവസ്ഥ ചെയ്യുന്ന പ്രത്യേക അധികാരം ഉപയോഗിച്ചാണ് ചീഫ് ജസ്റ്റിസ് ഗോഗോയ് പിരിച്ച് വിടല് ഉത്തരവില് ഇന്നലെ രാത്രി ഒപ്പ് വച്ചത്.
from Anweshanam | The Latest News From India http://bit.ly/2Bz0zKU
via IFTTT
