പത്തനംതിട്ട: അയ്യപ്പഭക്തന്റെ മരണത്തില് ദുരൂഹത ആരോപിച്ച് പത്തനംതിട്ട ജില്ലയില് ബിജെപി ആഹ്വാനം ചെയ്ത ഹര്ത്താല് തുടങ്ങി. ശബരിമലയ്ക്ക് പോയ പന്തളം സ്വദേശി ശിവദാസന്റെ മൃതദേഹം ളാഹയ്ക്കടുത്ത് കൊക്കയില് നിന്നാണ് കഴിഞ്ഞ ദിവസം കണ്ടെത്തിയത്. രാവിലെ ആറു മുതല് വൈകുന്നേരം ആറുവരെയാണ് ഹര്ത്താല്. ശബരിമല കര്മ്മസമിതി, ഹിന്ദു ഐക്യവേദി തുടങ്ങിയ സംഘടനകള് ഹര്ത്താലിന് പിന്തുണ അറിയിച്ചിട്ടുണ്ട്.
ശിവദാസന്റെത് അപകട മരണമാണെന്നാണ് പൊലീസ് അറിയിച്ചത്. ഒക്ടോബര് 18 ന് ശബരിമലയിലേക്ക് പോയ ശിവദാസനെ കാണാനില്ലെന്ന് വ്യക്തമാക്കി 25 ന് ബന്ധുക്കള് പൊലീസില് പരാതി നല്കിയിരുന്നു. ഒക്ടോബര് 19 ന് വീട്ടിലേക്ക് വിളിച്ചതിന് ശേഷം പിന്നീട് ഇയാളെ കുറിച്ച് യാതൊരു വിവരവും ഉണ്ടായിരുന്നില്ല.
നിലയ്ക്കലില് നടന്ന പൊലീസ് നടപടിയെ തുടര്ന്നാണ് ശിവദാസന് മരിച്ചതെന്ന് ബിജെപി ആരോപിച്ചു. പരാതി ലഭിച്ചിട്ടും പൊലീസ് വേണ്ട നടപടി സ്വീകരിച്ചില്ലെന്നും മരണത്തില് ദുരൂഹതയുണ്ടെന്നും ബന്ധുക്കള് ആരോപിച്ചു.
എന്നാല് ഒക്ടോബര് 16,17 തീയതികളിലായിരുന്നു നിലയിക്കലിലെ പൊലീസ് നടപടി. അതിനാല് തന്നെ പൊലീസ് നടപടിയുമായി സംഭവത്തിന് ബന്ധമില്ലെന്ന് ജില്ലാ പൊലീസ് മേധാവി പറഞ്ഞു. സോഷ്യല് മീഡിയയിലൂടെ വ്യാജ പ്രചരണം നടത്തുന്നവര്ക്കെതിരെ നടപടിയെടുക്കുമെന്നും അദ്ദേഹം വ്യക്തമാക്കി.
from Anweshanam | The Latest News From India https://ift.tt/2zljEOQ
via IFTTT
