കാസര്ഗോഡ്: പെരിയയിലെ ഇരട്ടക്കൊലപാതകം മുഖ്യസൂത്രധാരന് പിടിയില്. സിപിഎം ലോക്കല് കമ്മറ്റി അംഗം പീതാബരനാണ് പോലീസ് കസ്റ്റഡിയില് ആയത്.കൊലപാതകങ്ങള്ക്ക് ശേഷം കല്യോട്ടെ വീട്ടില് നിന്ന് ഒളിവില് പോയ പീതാംബരനെ കാസര്കോട്-കര്ണാടക അതിര്ത്തിപ്രദേശത്ത് നിന്നാണ് പൊലീസ് കസ്റ്റഡിയിലെടുത്തതായാണ് സൂചന. എ പീതാംബരനെ പാര്ട്ടിയില് നിന്ന് പുറത്താക്കാന് സിപിഎം തീരുമാനിച്ചു.
പാര്ട്ടി നേതൃത്വത്തിന് ഈ കൊലപാതകത്തെക്കുറിച്ച് ഒരറിവുമില്ലെന്നും പ്രാദേശികമായ പ്രശ്നങ്ങളാണ് കൊലപാതകത്തിന് പിന്നിലെന്നുമാണ് പാര്ട്ടി ജില്ലാ നേതൃത്വം അറിയിക്കുന്നത്. ഉദുമ എംഎല്എ കെ കുഞ്ഞിരാമനാണ് പീതാംബരനെ പുറത്താക്കിയെന്നും സംഭവത്തിന് പിന്നിലെന്തെന്ന് പാര്ട്ടി തലത്തിലും അന്വേഷണം ഉണ്ടാകുമെന്നും കെ കുഞ്ഞിരാമന് അറിയിച്ചു.
പീതാംബരനെ ആക്രമിച്ചെന്ന കേസില് പ്രതികളായിരുന്നു കൊല്ലപ്പെട്ട യൂത്ത് കോണ്ഗ്രസ് പ്രവര്ത്തകരായ കൃപേഷും ശരത്ലാലും. കൃപേഷുള്പ്പടെയുള്ളവരെ ക്യാംപസില് വച്ച് ആക്രമിച്ചതുമായി ബന്ധപ്പെട്ട് കോണ്ഗ്രസ് - സിപിഎം പ്രവര്ത്തകര് തമ്മില് സംഘര്ഷമുണ്ടായിരുന്നു. ഇതിലാണ് പീതാംബരന്റെ കൈക്ക് പരിക്കേറ്റത്. ഇതിലെ വൈരമാണ് കൊലപാതകത്തിന് പിന്നിലെന്നാണ് സൂചന.
കേസുമായി ബന്ധപ്പെട്ട് ഏഴ് പേരാണ് പൊലീസ് കസ്റ്റഡിയിലുള്ളത്. ഇവരെ പൊലീസ് ചോദ്യം ചെയ്ത് വരികയാണ്.
from Anweshanam | The Latest News From India http://bit.ly/2DTH7J0
via IFTTT