തിരുവനന്തപുരം: ശബരിമല വിഷയവുമായി ബന്ധപ്പെട്ട് പ്രതിപക്ഷ പ്രതിഷേധത്തില് മൂന്നാം ദിവസവും നിയമസഭ പ്രക്ഷുബ്ധമായി. പ്രതിപക്ഷ ബഹളത്തെ തുടര്ന്ന് ചോദ്യോത്തര വേള റദ്ദാക്കി. ശബരിമല വിഷയം ചര്ച്ച ചെയ്യണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. തുടര്ന്ന് ശൂന്യവേളയും സബ്മിഷനും റദ്ദാക്കി സഭ ഇന്നത്തേക്ക് പിരിഞ്ഞതായി സ്പീക്കര് പി ശ്രീരാമകൃഷ്ണന് അറിയിച്ചു.
ചോദ്യോത്തര വേളയുമായി സഹകരിക്കണമെന്നും ചോദ്യോത്തരവേള തടസപ്പെടുത്തുന്നത് ശരിയല്ലെന്നും സ്പീക്കര് പറഞ്ഞു. പ്രതിപക്ഷ എംഎല്എമാര് ചോദ്യങ്ങള് ചോദിച്ചില്ല. ശബരിമല വിഷയം ചര്ച്ച ചെയ്യണമെന്ന് ആവശ്യപ്പെട്ട് പ്ലക്കാര്ഡും ബാനറുകളുമായി അംഗങ്ങള് നടുത്തളത്തില് മുദ്രാവാക്യം വിളിക്കുകയാണ്.
ചോദ്യോത്തരവേളയില് പ്രതിപക്ഷ അംഗങ്ങള് സഭയില് മുദ്രാവാക്യം വിളിച്ചു. പ്ലക്കാര്ഡും ബാനറുകളുമായി അംഗങ്ങൾ നടുത്തളത്തിലിറങ്ങി. ചോദ്യങ്ങള്ക്കുള്ള മറുപടികള് വായിക്കാതെ മന്ത്രിമാര് മേശപ്പുറത്ത് വച്ചു. ചോദ്യങ്ങള് ചോദിക്കുന്നില്ലെന്ന് മിക്ക പ്രതിപക്ഷ എംഎല്എമാരും അറിയച്ചതോടെ ആ മറുപടികളെല്ലാം സ്പീക്കര് ഒഴിവാക്കി.
തുടര്ച്ചയായി ചോദ്യോത്തരവേള തടസപ്പെടുത്തിയാല് ചെയറിന് തുടര്നടപടികള് സ്വീകരിക്കേണ്ടി വരുമെന്ന് സ്പീക്കര് മുന്നറിയിപ്പ് നല്കി. ഇന്നലെ തന്നെ ഇക്കാര്യത്തില് മുന്നറിയിപ്പ് നല്കിയിരുന്നതായും ചോദ്യോത്തരവേള തടസപ്പെടുത്തുന്നത് അംഗീകരിക്കാനാകില്ലെന്ന് സ്പീക്കര് ആവര്ത്തിച്ചു.
തിരുവഞ്ചൂര് രാധാകൃഷ്ണനാണ് ശബരിമല വിഷയത്തില് അടിയന്തര പ്രമേയത്തിന് നോട്ടീസ് നല്കിയത്.
from Anweshanam | The Latest News From India https://ift.tt/2zwhRHl
via IFTTT
