തിരുവനന്തപുരം: ബന്ധു നിയമന വിവാദത്തില് മന്ത്രി കെ ടി ജലീലിന്റെ വാദം പൊളിഞ്ഞെന്ന് യൂത്ത് ലീഗ് സംസ്ഥാന പ്രസിഡന്റ് പി കെ ഫിറോസ്. ആത്മാഭിമാനം അല്പമെങ്കിലും ഉണ്ടെങ്കില് ജലീല് രാജി വയ്ക്കണമെന്നും രാജി വെക്കും വരെ ജലീലിന് എതിരെ സമരം തുടരുമെന്നും ഫിറോസ് വാര്ത്താസമ്മേളനത്തില് പറഞ്ഞു വിവാദത്തെ തുടര്ന്ന് ഇന്നലെ ബന്ധു അദീബ് രാജിവച്ചിരുന്നു.
ഭീരു ആയി ഒളിച്ചോടാതെ മന്ത്രി സംവാദത്തിനു തയ്യാറാകണം. ജലീലിന് വേണ്ടി പിണറായിയോ കോടിയേരിയോ വന്നാലും സംവാദത്തിനു തയ്യാര്. പൊതു പരിപാടികളില് ജലീലിന് പങ്കെടുക്കാന് കഴിയാത്ത രീതിയില് പ്രതിഷേധം സംഘടിപ്പിക്കുമെന്നും ഫിറോസ് വ്യക്തമാക്കി.
ഷെഡ്യൂള്ഡ് ബാങ്ക് ഉദ്യോഗസ്ഥന് ആയ അദീബിനെ നിയമിച്ചതില് തെറ്റില്ല എന്ന മന്ത്രിയുടെ വാദം തെറ്റാണ്. ഷെഡ്യൂള്ഡ് ബാങ്കുകള് സ്റ്റാറ്റിയൂട്ടറി പദവി വഹിക്കുന്നില്ല എന്ന് നേരത്തെ സുപ്രീം കോടതി പരാമര്ശമുണ്ട്. സാഗര് തോമസ് / ഫെഡറല് ബാങ്ക് കേസില് ഇത് വ്യക്തമായി പറയുന്നുണ്ട്. അദീബ് ഇതിനോടകം 56000 രൂപ ശമ്പളമായി കൈപ്പറ്റിയിട്ടുണ്ട്. ജലീല് ഇടപെട്ട് തസ്തികയിലേക്കുള്ള വിദ്യാഭ്യാസ യോഗ്യതയില് മാറ്റം വരുത്തിയെന്നും ഫിറോസ് ആരോപിച്ചു.
from Anweshanam | The Latest News From India https://ift.tt/2PQYwKs
via IFTTT
