സംസ്ഥാനത്തെ ചുട്ട് പൊള്ളിച്ച് അതികഠിനമായ ചൂട് തുടരും. ജാഗ്രത നിർദേശം ഞായറാഴ്ച്ച വരെ നീട്ടിയിട്ടുണ്ട്. സൂര്യാഘാതത്തിനും സൂര്യാതപത്തിനും സാധ്യത വളരെ കൂടുതൽ ഉള്ളതിനാൽ നേരിട്ട് സൂര്യപ്രകാശം എൽക്കുന്നത് ഒഴിവാക്കണമെന്ന മുന്നറിയിപ്പ് നൽകിയിട്ടുണ്ട്. ഇടുക്കിയും വയനാടും ഒഴികെ ഉള്ള ജില്ലകളിൽ ചൂട് രണ്ട് മുതൽ മൂന്ന് ഡിഗ്രി സെൽഷ്യസ് വരെ ഉയരും. താപ തീവ്രതയുടെ തോതും ഉയർന്നേക്കും.
മേഘാവരണം ഇല്ലാത്തതിനാല് അതികഠിനമായ ചൂട് നേരിട്ട് പതിക്കും. അൾട്രാവയലറ്റ് രശ്മികളുടെ തോത് കൂടിയതിനാല് സൂര്യാതപവും സൂര്യാഘാതവും ഏൽക്കാനുള്ള സാധ്യത കൂടുതലാണ്. 11 മണി മുതല് മൂന്നു വരെയുള്ള സമയത്ത് വെയില് ഏല്ക്കരുതെന്ന കര്ശന നിര്ദേശം നല്കിയിട്ടുണ്ട്.
നിര്ജലീകരണം ഉണ്ടാകുമെന്നതിനാല് ധാരാളം വെള്ളം കുടിക്കണം. പൊള്ളല് , ക്ഷീണം എന്നിവ ഉണ്ടായാൽ ഉടനടി മെഡിക്കല് സഹായം തേടണമെന്ന നിര്ദേശവും നല്കിയിട്ടുണ്ട്. വരള്ച്ച , പകര്ച്ചവ്യാധി അടക്കം നേരിടാൻ കര്മ സമിതികള് തയാറായിട്ടുണ്ട്. ജില്ലകളിലെ സ്ഥിതി ഗതികള് കലക്ടറേറ്റുകള് കേന്ദ്രീകരിച്ചുള്ള കണ്ട്രോല് റൂമുകള് നിരീക്ഷിക്കുന്നുണ്ട്.
from Anweshanam | The Latest News From India https://ift.tt/2HYXCr5
via IFTTT
