തൊടുപുഴ: ഏവുവയസുകാരെ ക്രൂരമായി മര്ദിച്ച സംഭവത്തിലെ പ്രതി അരുണ് ആനന്ദിനെ കോടതി റിമാന്ഡ് ചെയ്തു. രണ്ടാഴ്ചത്തേക്കാണ് ഇയാളെ ഇടുക്കി കോടതി റിമാന്ഡ് ചെയ്തത്.
നേരത്തെ, കുട്ടിയെ ലൈംഗികമായും പീഡിപ്പിച്ചിട്ടുണ്ടെന്ന കണ്ടെത്തലിനെത്തുടര്ന്ന് ഇയാള്ക്കെതിരെ പോക്സോ വകുപ്പ് പ്രകാരവും കേസെടുത്തിരുന്നു.
ശാസ്ത്രീയ പരിശോധനയിലാണ് കുട്ടിയെ ലൈംഗികമായി പീഡിപ്പിച്ചിട്ടുണ്ടെന്ന് വ്യക്തമായതെന്ന് പോലീസ് വൃത്തങ്ങള് വ്യക്തമാക്കിയിരുന്നു. തൊടുപുഴ ഡിവൈഎസ്പിയുടെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിക്കുന്നത്.
അതേസമയം, കുട്ടിയെ വെന്റിലേറ്ററില് നിന്നും മാറ്റേണ്ടതില്ലെന്ന് വിദഗ്ദ സംഘം റിപ്പോര്ട്ട് നല്കി. തലച്ചോറില് നേരിയ തോതില് പ്രവര്ത്തനം നടക്കുന്നുണ്ടെന്നും നിലവിലെ ചികിത്സ തുടരാനും ആശുപത്രി അധികൃതര്ക്ക് മെഡിക്കല് സംഘം നിര്ദ്ദേശം നല്കി. കുട്ടി അതിജീവിക്കാനുള്ള സാധ്യതകള് കുറവാണെങ്കിലും മസ്തിഷ്ക മരണം സ്ഥിരീകരിക്കാന് ആകില്ലെന്ന് സംഘം പറഞ്ഞു.
from Anweshanam | The Latest News From India https://ift.tt/2uBxrPl
via IFTTT