രാജ്യത്ത് 24 മണിക്കൂറിനിടെ 57,118 പുതിയ കോവിഡ് രോഗികള്‍; 764 മരണം

ന്യൂഡൽഹി: ഇന്ത്യയിൽ കോവിഡ് രോഗികളുടെ എണ്ണം ദിനംപ്രതി കൂടുന്നു. കഴിഞ്ഞ 24 മണിക്കൂറിനിടെ 57,118 പേർക്കാണ് രാജ്യത്ത് രോഗം സ്ഥിരീകരിച്ചത്. ഇതോടെ രാജ്യത്തെ കോവിഡ് ബാധിതരുടെ ആകെ എണ്ണം 16,95,988 ആയി. 764 പേരാണ് കഴിഞ്ഞ 24 മണിക്കൂറിനിടെ രാജ്യത്ത് കോവിഡ് ബാധിച്ച് മരിച്ചത്. ഇതോടെ രോഗബാധയേ തുടർന്നുള്ള മരണം 36,511 ആയി ഉയർന്നു. 2.15 ശതമാനമാണ് രാജ്യത്തെ മരണ നിരക്ക്. നിലവിൽ രാജ്യത്ത് 5,65,103 പേരാണ് ചികിത്സയിൽ കഴിയുന്നത്. 10,94,374 ആളുകൾ രോഗമുക്തി നേടി. 64.53 ശതമാനമാണ് രാജ്യത്തെ രോഗമുക്തി നിരക്ക്. ഓഗസ്റ്റ് ഒന്ന് വരെയുള്ള കണക്കുകൾ പ്രകാരം രാജ്യത്ത് ഇതുവരെ 1,93,58,659 കോവിഡ് ടെസ്റ്റുകളാണ് നടത്തിയിട്ടുള്ളത്. ഇന്നലെ മാത്രം 5,25,689 ടെസ്റ്റുകളാണ് രാജ്യത്തെമ്പാടുമായി നടന്നതെന്ന് ഐസിഎംആർ പറയുന്നു. Content Highlights: India records steep spike with 57,118 Covid-19 cases in last 24 hours, 764 deaths

from mathrubhumi.latestnews.rssfeed https://ift.tt/3gle577
via IFTTT