രാജ്യത്ത് പെട്രോൾവില കുറവ് പഞ്ചാബിൽ, ഡീസൽ ലഡാക്കിൽ

ന്യൂഡൽഹി: സംസ്ഥാനങ്ങൾ വാറ്റ് കുറച്ചതിനുശേഷം പെട്രോൾവില ഏറ്റവും കുറവ് പഞ്ചാബിൽ. ഡീസൽ വിലയിൽ ഏറ്റവും കുറവുള്ളത് കേന്ദ്രഭരണപ്രദേശമായ ലഡാക്കിലും. പഞ്ചാബിൽ പെട്രോൾ ലിറ്ററിന് 16.02 രൂപയും ഡീസലിന് 19.61 രൂപയും കുറഞ്ഞു. അമൃത്‌സറിൽ പെട്രോളിന് വില 95.63 രൂപയും ലഡാക്കിൽ ഡീസൽ വില ലിറ്ററിന് 88.33 രൂപയുമാണ്.ഇതുവരെ വാറ്റ് കുറച്ചിട്ടില്ലാത്ത സംസ്ഥാനങ്ങളിൽ കോൺഗ്രസും മറ്റ് സഖ്യകക്ഷികളും ഭരിക്കുന്ന രാജസ്ഥാൻ, ഛത്തീസ്ഗഢ്‌, മഹാരാഷ്ട്ര, ജാർഖണ്ഡ്, തമിഴ്നാട് എന്നിവ ഉൾപ്പെടുന്നു. ആം ആദ്മി ഭരിക്കുന്ന ഡൽഹി, തൃണമൂൽ കോൺഗ്രസ് ഭരിക്കുന്ന പശ്ചിമ ബംഗാൾ, ഇടതുപക്ഷം ഭരിക്കുന്ന കേരളം, ടി.ആർ.എസ്. ഭരിക്കുന്ന തെലങ്കാന, വൈ.എസ്.ആർ. കോൺഗ്രസ് ഭരിക്കുന്ന ആന്ധ്രാപ്രദേശ് എന്നീ സംസ്ഥാനങ്ങളും വാറ്റ് കുറച്ചിട്ടില്ല. രാജ്യത്ത് രാജസ്ഥാനിലാണ് പെട്രോളിന് വിലകൂടുതൽ-ലിറ്ററിന് 111.10 രൂപ.

from mathrubhumi.latestnews.rssfeed https://ift.tt/3kE4QTL
via IFTTT