റാന്നി: റാന്നി ഡിപ്പോയില് നിന്നുള്ള കെഎസ്ആര്ടിസി സര്വീസുകള് പുനരാരംഭിച്ചു. 13 സര്വീസുകളാണ് ഡിപ്പോയില്നിന്ന് ഇപ്പോള് ആരംഭിച്ചിരിക്കുന്നത്. പ്രളയശേഷം ഒരു മാസം പിന്നിടുന്പോഴാണ് ഇരുപത് ഷെഡ്യൂളുകളില്നിന്ന് ഇത്രയും സര്വീസുകള് പുനരാരംഭിച്ചിരിക്കുന്നത്.
റാന്നി മേഖലയില് സര്വീസ് നടത്തിയിരുന്ന മൂന്ന് ഫാസ്റ്റ് പാസഞ്ചറുകളും 7 ഓര്ഡിനറികളും കഴിഞ്ഞ ദിവസം റാന്നി ഡിപ്പോയില് സര്വീസുകള് അവസാനിപ്പിച്ചു. വരും ദിവസങ്ങളില് ശേഷിക്കുന്ന ഫാസ്റ്റ് പാസഞ്ചറുകള് ഡിപ്പോയില് എത്തിക്കും. മുന്പ് പത്തനംതിട്ട ഡിപ്പോയില് ആയിരുന്നു സര്വീസുകള് അവസാനിപ്പിച്ചിരുന്നത്.
ജില്ലയില് പ്രളയം ഏറ്റവും കൂടുതല് ബാധിച്ചത് റാന്നിയിലെ ഡിപ്പോയിലായിരുന്നു. പ്രളയത്തില് ഡിപ്പോ പൂര്ണമായും നശിച്ചിരുന്നു. ഇതേതുടര്ന്ന് റാന്നിയില് നിന്നുള്ള സര്വീസുകള് പത്തനംതിട്ട ഡിപ്പോയില് നിന്നാണ് ഏകോപിപ്പിച്ചിരുന്നത്. വെള്ളം കയറിയതിനെ തുടര്ന്ന് ഡിപ്പോയിലെ ഓപ്പറേറ്റിംഗ് സെന്റര് ഭാഗികമായാണ് പ്രവര്ത്തിക്കുന്നത്.
from Anweshanam | The Latest News From India https://ift.tt/2Qb4kuX
via IFTTT
