ന്യൂഡല്ഹി: അര്ബുദം ബാധിച്ച് ഗുരുതരാവസ്ഥയിലായ രണ്ടര വയസുകാരിയെ ആശുപത്രിയിലെത്തിക്കാന് സ്വകാര്യവിമാനം ഏര്പ്പാടാക്കി കോണ്ഗ്രസ് ജനറല് സെക്രട്ടറി പ്രിയങ്കാ ഗാന്ധി. ഉത്തര്പ്രദേശില്നിന്നുള്ള കുടുംബത്തെയാണ് പ്രിയങ്ക സഹായിച്ചത്.
വെള്ളിയാഴ്ച വൈകിട്ടായിരുന്നു സംഭവം. ഉത്തര്പ്രദേശില് തിരഞ്ഞെടുപ്പ് പ്രചാരണത്തിനെത്തിയതായിരുന്നു പ്രിയങ്ക. പ്രയാഗ്രാജിലെ കമല നെഹ്റു ആശുപത്രിയില് ചികില്സയിലായിരുന്ന കുഞ്ഞിനെ വിദഗ്ദ്ധ ചികിത്സയ്ക്കായി ഉടന് ഡല്ഹി എയിംസ് എത്തിക്കണമെന്ന് ഡോക്ടര്മാര് നിര്ദേശിച്ചിരുന്നു. വിവരം അറിഞ്ഞ കോണ്ഗ്രസ് നേതാവ് രാജീവ് ശുക്ലയാണ് പ്രിയങ്ക ഗാന്ധിയോട് കുഞ്ഞിന്റെ അവസ്ഥ പറഞ്ഞത്.
കുട്ടിയുടെ ഗുരുതരവസ്ഥ മനസിലാക്കിയ പ്രിയങ്കാ ഗാന്ധി കുഞ്ഞിനെ ഡല്ഹിയിലേക്ക് കൊണ്ടുപോകാമെന്ന് അറിയിച്ചു. ഉടന് തന്നെ നടപടി സ്വീകരിച്ച പ്രിയങ്ക കുട്ടിയുടെ കുടുംബത്തെ ബന്ധപ്പെടുകയും ഡല്ഹിയിലെ ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് തുടര് ചികിത്സ ഉറപ്പാക്കുകയും ചെയ്തു. പിന്നാലെ കുഞ്ഞിനെയും അമ്മയെയും ഒരു സ്വകാര്യ വിമാനത്തില് ഡല്ഹിയിലേക്ക് അയയ്ക്കുകയും ചെയ്തു.
from Anweshanam | The Latest News From India http://bit.ly/2VkP7t7
via IFTTT
