കോല്ക്കത്ത: ബിജെപി അധ്യക്ഷന് അമിത് ഷായുടെ റാലിക്കു പിന്നാലെ പശ്ചിമ ബംഗാളില് ബിജെപി-തൃണമൂല് ഏറ്റുമുട്ടല്. അമിത് ഷായുടെ റാലി നടന്ന ഈസ്റ്റ് മിഡ്നാപ്പുര് ജില്ലയിലെ കാന്തിയില് ബിജെപിയുടെയും തൃണമൂല് കോണ്ഗ്രസിന്റെയും പ്രവര്ത്തകര് ഏറ്റുമുട്ടിയതാണ് സംഘര്ഷത്തില് കലാശിച്ചത്.
സംഘര്ഷത്തിനിടെ ബിജെപി പ്രവര്ത്തകര് തൃണമൂല് ഓഫീസും വാഹനങ്ങളും കത്തിച്ചു. സംഘര്ഷത്തില് മൂന്നു പേര്ക്കു പരിക്കേറ്റതായാണ് ഒൗദ്യോഗിക കണക്ക്. തൃണമൂല് പ്രവര്ത്തകരെ റാലി കഴിഞ്ഞു മടങ്ങിയ ബിജെപി പ്രവര്ത്തകര് ആക്രമിക്കുകയായിരുന്നെന്ന് പാര്ട്ടി നേതൃത്വം ആരോപിച്ചു.
സംഘര്ഷത്തിന്റെ പശ്ചാത്തലത്തില് കേന്ദ്ര ആഭ്യന്തരമന്ത്രി രാജ്നാഥ് സിംഗ് പശ്ചിമ ബംഗാള് മുഖ്യമന്ത്രി മമത ബാനര്ജിലെ ഫോണില് വിളിച്ച് ആശങ്കയറിയിച്ചു. അക്രമികള്ക്കെതിരേ കര്ശന നടപടി സ്വീകരിക്കണമെന്നും രാജ്നാഥ് സിംഗ് ആവശ്യപ്പെട്ടു.
from Anweshanam | The Latest News From India http://bit.ly/2MLDJEl
via IFTTT