ടെന്നീസ് വനിതാ സിംഗിള്‍സില്‍ ബെലിന്ദ ബെന്‍സിക്കിന് സ്വര്‍ണം

ടോക്യോ: ടെന്നീസ് വനിതാ സിംഗിൾസിൽ സ്വിറ്റ്സർലന്റ് താരം ബെലിന്ദ ബെൻസിക്കിന് സ്വർണം. ഫൈനലിൽ ബെലിന്ദ ചെക്ക് റിപ്പബ്ലിക്കിന്റെ വോണ്ട്രൊസോവയെ മൂന്നു സെറ്റു നീണ്ട പോരാട്ടത്തിൽ മറികടന്നു. ആദ്യ സെറ്റ് 7-5ന് സ്വിസ് താരം സ്വന്തമാക്കിയപ്പോൾ രണ്ടാം സെറ്റിൽ വോണ്ട്രൊസോവ തിരിച്ചടിച്ചു. 6-2നായിരുന്നു വിജയം. എന്നാൽ നിർണായകമായ മൂന്നാം സെറ്റിൽ 6-3ന് വിജയിച്ച് ബെലിന്ദ സ്വർണം സ്വന്തമാക്കി. ചെക് താരം വെള്ളിയും നേടി. യുക്രെയ്ൻ താരം എലിന സ്വിറ്റോലിനയ്ക്കാണ് വെങ്കലം. കസാകിസ്താന്റെ എലിന റയ്ബാകിനയെ കീഴടക്കിയാണ് യുക്രെയ്ൻ താരം മൂന്നാം സ്ഥാനം നേടിയത്. ആദ്യ സെറ്റ് 6-1ന് കൈവിട്ട സ്വിറ്റോലിന തോൽവിയുടെ വക്കിൽ നിന്ന് തിരിച്ചുവരികയായിരുന്നു. രണ്ടാം സെറ്റ് ടൈ ബ്രേക്കറിൽ സ്വന്തമാക്കിയ താരം മൂന്നാം സെറ്റിൽ ആത്മവിശ്വാസത്തോടെ കളിച്ചു. ഇതോടെ 6-4ന് സെറ്റും വെങ്കലവും സ്വിറ്റോലിനയ്ക്ക് സ്വന്തമായി. Content Highlights: Belinda Bencic Wins Tokyo Olympic Womens Singles Gold

from mathrubhumi.latestnews.rssfeed https://ift.tt/3zXrPOY
via IFTTT