ന്യൂഡല്ഹി: കേന്ദ്രസര്ക്കാരിന്റെ കര്ഷക വിരുദ്ധ നയങ്ങള്ക്കെതിരായുള്ള കര്ഷക സമരം അവസാനിപ്പിച്ചു. ഭാരതീയ കിസാന് യൂണിയന് നടത്തിയ കിസാന് ക്രാന്തി പദയാത്രയാണ് ഡല്ഹിയിലെ കിസാന് ഘട്ടില് ഇന്ന് പുലര്ച്ചെ അവസാനിപ്പിച്ചത്.
കര്ഷകരെ രാജ്യതലസ്ഥാനത്തേക്ക് കടക്കാന് അനുവദിക്കാതെ ഉത്തര്പ്രദേശ് - ഡല്ഹി അതിര്ത്തിയില് പൊലീസ് തടഞ്ഞിരുന്നു. എന്നാല് ചര്ച്ചയില് ഒത്തുതീര്പ്പായതോടെ തടഞ്ഞുവച്ചിരുന്ന കര്ഷകരെ പൊലീസ് വിട്ടയച്ചു. തുടര്ന്ന് കര്ഷകര് തങ്ങളുടെ ട്രാക്ടറുകളും ട്രോളികളുമായി കിസാന് ഘട്ടിലേക്ക് എത്തി പ്രക്ഷോഭം അവസാനിപ്പിക്കുകയായിരുന്നു.
തങ്ങളുടെ ഭൂരിഭാഗം ആവശ്യങ്ങളും അംഗീകരിച്ചതായി ഭാരതീയ കിസാന് യൂണിയന് വക്താവ് രാകേഷ് തികൈത് പറഞ്ഞു. ഇതു സംബന്ധിച്ച് സര്ക്കാര് ആറ് ദിവസത്തിനുള്ളില് ഔദ്യോഗിക പ്രഖ്യാപനം നടത്തുമെന്നും അദ്ദേഹം വ്യക്തമാക്കി.
30,000 കര്ഷകരാണ് ഉത്തര്പ്രദേശില് നിന്നും ദില്ലിയിലേക്ക് യാത്രയുടെ ഭാഗമായി എത്തിയത്. ഭാരതീയ കിസാന് യൂണിയനാണ് പഥയാത്ര സംഘടിപ്പിച്ചത്. നടന്നും ട്രാക്ടറിലുമായാണ് കര്ഷകര് റാലിയില് പങ്കെടുത്തത്.
കാര്ഷിക കടങ്ങള് എഴുതിതള്ളണം, വൈദ്യുതി, ഇന്ധനങ്ങള്ക്ക് സബ്സിഡി അനുവദിക്കുക, 60 വയസിനു മുകളിലുള്ള കര്ഷകര്ക്ക് പെന്ഷന് അനുവദിക്കുക. സ്വാമിനാഥന് കമ്മീഷന്റെ ശുപാര്ഷകള് നടപ്പിലാക്കുക എന്നിവയാണ് കര്ഷകരുടെ ആവശ്യം.
ഡല്ഹി-ഉത്തര്പ്രദേശ് അതിര്ത്തി മേഖലയില് ചൊവ്വാഴ്ച രാവിലെ നടന്ന സംഘര്ഷം തെരുവുയുദ്ധ സമാന സാഹചര്യങ്ങളാണു സൃഷ്ടിച്ചത്. ഒട്ടേറെ പേര്ക്കു പരുക്കേറ്റു. ബികെയുവിന്റെ നേതൃത്വത്തിലുള്ള കിസാന് ക്രാന്തി പദയാത്ര ഡല്ഹിയിലേക്കു കടക്കും മുമ്ബ് പോലീസും അര്ധസൈനിക വിഭാഗവും തടയുകയായിരുന്നു. കുത്തിയിരുന്നു പ്രതിഷേധിച്ച കര്ഷകര് പിന്നാലെ ട്രാക്ടര് ഉപയോഗിച്ച് ബാരിക്കേഡുകള് തകര്ക്കാന് ശ്രമിച്ചതോടെ പോലീസ് ജലപീരങ്കിയും കണ്ണീര് വാതകവും പ്രയോഗിച്ചു.നിരവധി കര്ഷകര്ക്ക് പൊലീസ് ലാത്തിച്ചാര്ജില് പരിക്കേറ്റു.
from Anweshanam | The Latest News From India https://ift.tt/2OvugUN
via IFTTT
