തിരുവനന്തപുരം: ശബരിമല യുവതീപ്രവേശവിധിക്കു സ്റ്റേ ഇല്ലാത്തതിനാല് വെള്ളിയാഴ്ച തുടങ്ങുന്ന തീര്ഥാടനം സംഘര്ഷമില്ലാതെ നടത്താന് സര്ക്കാര് നിയമോപദേശം തേടുകയാണ്. ഇപ്പോഴത്തെ സാഹചര്യത്തില് തീര്ഥാടനകാലത്ത് യുവതികള്ക്ക് ശബരിമലയില് വിലക്കില്ല. എന്നാല് ഇക്കാരണത്താല് യുവതികളെത്തിയാല് തടയണമോ എന്നതടക്കമുള്ള കാര്യങ്ങള് സര്ക്കാര് പരിശോധിക്കുന്നതാണ്.വിധിക്കുശേഷം രണ്ടുതവണ നടതുറന്നപ്പോഴും ശബരിമല സംഘര്ഷത്തിലായിരുന്നു. നിലവിലെ സാഹചര്യത്തില് തുടര്ന്നും ഈ അവസ്ഥയ്ക്കാണ് സാധ്യത കൂടുതല്. സര്ക്കാര് സമവായ സാധ്യതകള് തേടുന്നതിന്റെ കാരണവും ഇതുതന്നെ.ഹര്ജി പരിഗണിച്ച് കോടതി വാദം കേള്ക്കുന്നതിനാല് നിലവിലെ വിധി നടപ്പാക്കുന്നത് അന്തിമവിധിക്കുശേഷം മതിയെന്നു തീരുമാനിക്കാം. എന്നാല് ഇത് കോടതിയലക്ഷ്യമാകുമോ എന്നു പരിശോധിക്കാന്കൂടിയാണ് ഇപ്പോള് സര്ക്കാര് നിയമോപദേശം തേടുന്നത്.
സര്ക്കാര് നേരത്തേതന്നെ പ്രവേശനമാകാമെന്ന് പ്രഖ്യാപിച്ചെങ്കിലും നിലവില് നിയമോപദേശം കേട്ടും സമവായം ഉണ്ടാക്കിയും മുന്നോട്ടുപോകാനാണ് നിലവിലെ സര്ക്കാരിന്റെ തീരുമാനം. ഇതിനായി 15-ന് രാവിലെ മുഖ്യമന്ത്രി സര്വകക്ഷി യോഗം വിളിച്ചിട്ടുണ്ട്. ഇതെല്ലാം വ്യക്തമാക്കുന്നത് ശബരിമലയില് സര്ക്കാരെടുത്ത നിലപാടില് അയവുവരുമെന്നതുതന്നെയാവും. നിലവില് ഈ മാസം 16-നും 20-നുമിടയില് ശബരിമലയില് എത്തുമെന്ന് തൃപ്തി ദേശായി പ്രഖ്യാപിച്ചിട്ടുണ്ട്. ശബരിമലയില് എത്താന് 550 യുവതികള് ഇതിനകം ഓണ്ലൈനില് രജിസ്റ്റര് ചെയ്തിട്ടുമുണ്ട്. ഇതും ആശങ്ക വര്ധിപ്പിക്കുന്നതാണ്.് ഈ സാഹചര്യയത്തിലാണ് നിയമോപദേശം തേടാന് സര്ക്കാര് തീരുമാനിച്ചിരിക്കുന്നത്.
വെള്ളിയാഴ്ച തുടങ്ങുന്ന തീര്ഥാടനകാലം ജനുവരി 20-നാണ് സമാപിക്കുക. അതിനുശേഷമാണ് സുപ്രീംകോടതി കേസ് പരിഗണിക്കുന്നത്. നിയമോപദേശം തേടുമ്പോഴും രണ്ടു സാഹചര്യങ്ങളാണ് സര്ക്കാരിനു മുന്നിലുള്ളത്. രണ്ടുതവണ നടതുറന്നപ്പോള് ഉണ്ടായതുപോലെ ശബരിമലയിലെത്തുന്ന സ്ത്രീകളെ പ്രതിഷേധത്തിന്റെ പേരില് അനുനയിപ്പിച്ച് തിരിച്ചയക്കുകയാണ് രണ്ടാമത്തേത്. ഇത് സര്ക്കാരിനും ദേവസ്വംബോര്ഡിനും ഉണ്ടാക്കുന്ന തലവേദന ചെറുതായിരിക്കില്ല.മാത്രമല്ല,ഭരണഘടനാ ബെഞ്ചിന്റെ വിധി അതേപടി നിലനില്ക്കുന്നുവെന്ന മുഖ്യമന്ത്രി പിണറായി വിജയന്റെ പ്രതികരണത്തില്നിന്ന് വ്യക്തമാകുന്നത് വിധി നടപ്പാക്കുമെന്ന മുന് തീരുമാനം മാറ്റിയിട്ടില്ലെന്നാണ്. ആലോചിച്ച് തീരുമാനിക്കുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനും,കടകംപള്ളിയാകട്ടെ എല്ലാം കൂടിയാലോചിച്ച് ഉചിതമായ തീരുമാനമെടുക്കുമെന്നും പറഞ്ഞു. ഇത്തരം പ്രതികരണങ്ങളും സര്വകക്ഷിയോഗം വിളിക്കാനുള്ള തീരുമാനവുമൊക്കെ സൂചിപ്പിക്കുന്നത് ശബരിമലയിലെ പ്രതിസന്ധി തീര്ക്കാന് സര്ക്കാരിനും ആഗ്രഹം ഉണ്ടെന്നു തന്നെയാണ്. പക്ഷേ, വിധിയെഴുത്ത് സര്ക്കാരിന്റെ തീരുമാനങ്ങള്ക്ക് അനുസൃതമായിരിക്കും നടപ്പിലാക്കുക.
from Anweshanam | The Latest News From India https://ift.tt/2za95ib
via IFTTT
