ഗുജറാത്തിലെ റെയില്‍വേ പദ്ധതികൾ പ്രധാനമന്ത്രി ഇന്ന് രാജ്യത്തിന് സമർപ്പിക്കും

ന്യൂഡൽഹി: ഗുജറാത്തിലെറെയിൽവേയുടെ പ്രധാന പദ്ധതികൾ പ്രധാനമന്ത്രി നരേന്ദ്ര മോദി ഇന്ന് രാജ്യത്തിന് സമർപ്പിക്കും. വീഡിയോ കോൺഫറൻസിങ്ങ് വഴിയായിരിക്കും ഉദ്ഘാടനം. സംസ്ഥാനത്തെ അക്വാട്ടിക്സ് ആൻഡ് റോബോട്ടിക്സ് ഗ്യാലറിയും നേച്ചർ പാർക്കും ചടങ്ങിൽ അദ്ദേഹം ഉദ്ഘാടനം ചെയ്യും. നവീകരിച്ച ഗാന്ധിനഗർ റെയിൽവേ സ്റ്റേഷൻ, വൈദ്യുതീകരിച്ച മഹേസാന-വരേധാ പാത, സുരേന്ദ്രനഗർ-പിപാവാവ് സെക്ഷൻ എന്നിവയാണ് പദ്ധതികൾ. ഗാന്ധിനഗർ റെയിൽവേ സ്റ്റേഷന്റെ നവീകരണം 71 കോടി രൂപ ചെലവഴിച്ചാണ് നടപ്പിലാക്കിയത്. അത്യാധുനിക സൗകര്യങ്ങളോടു കൂടിയ സ്റ്റേഷനിൽ പ്രത്യേക ടിക്കറ്റ് ബുക്കിങ്ങ് കൗണ്ടർ തുടങ്ങി പഞ്ചനക്ഷത്ര ഹോട്ടൽ വരെയുണ്ട്. മഹേസാനാ-വരേധാ പാതയുടെ 55 കിലോമീറ്റർ വൈദ്യുതീകരണത്തിന് 74 കോടി രൂപയും സുരേന്ദ്രനഗർ-പിപാവാവ് സെക്ഷന് 289 കോടി രൂപയുമാണ് ചെലവായത്. പുതിയ രണ്ടു ട്രെയിൻ സർവ്വീസുകളും മോദി ഫ്ളാഗ് ഓഫ് ചെയ്യും.

from mathrubhumi.latestnews.rssfeed https://ift.tt/3hIlTTs
via IFTTT