കൊച്ചിയില്‍ നാവികസേനയുടെ ഗ്ലൈഡര്‍ തകര്‍ന്നു വീണ് രണ്ട് പേര്‍ മരിച്ചു

കൊച്ചി: കൊച്ചിയിൽ നാവികസേനയുടെ ഗ്ലൈഡർ തകർന്നു വീണ് രണ്ട് പേർ മരിച്ചു. സുനിൽകുമാർ, രാജീവ്ഝാ എന്നിവരാണ് മരിച്ചത്. രാവിലെ 7 മണിയോടെ ബി ഒ ടി പാലത്തിന് സമീപത്താണ് അപകടം സംഭവിച്ചത്. ഗുരുതരമായി പരിക്കേറ്റ ഇരുവരേയും ഐ എൻ എസ് സഞ്ജീവനിയിലേക്ക് മാറ്റിയിരുന്നെങ്കിലും മരണം സംഭവിക്കുകയായിരുന്നു. പരിശീലന പറക്കലിന് ഉപയോഗിക്കുന്ന ചെറുവിമാനമാണ് ഗ്ലൈഡർ. ഇതിൽ രണ്ട് പേർക്കാണ് സഞ്ചരിക്കാൻ സാധിക്കുക. ഇന്ന് രാവിലെ നാവിക സേനയുടെ ക്വാർട്ടേഴ്സിൽ നിന്ന് പരിശീലനത്തിനായി പോകുമ്പോഴാണ് സമീപത്ത് വെച്ച് തന്നെ അപകടം ഉണ്ടായത്. നാവികസേനയുടെ ആസ്ഥാനത്തിന് സമീപത്തുള്ള ബി ഒ ടി പാലത്തിന് സമീപത്താണ് അപകടം ഉണ്ടായത്. പാലത്തിന് സമീപത്തുള്ള റോഡിന്റെ ഒഴിഞ്ഞ ഭാഗത്തേക്കാണ് തകർന്നുവീണത്. അതേസമയം രക്ഷാപ്രവർത്തനത്തിന് താമസം ഉണ്ടായതായി ദൃക്സാക്ഷികൾ പറയുന്നു. അപകടം സംഭവിച്ച ഗ്ലൈഡർ സ്ഥലത്ത് നിന്നും മാറ്റിയിട്ടുണ്ട്. Content Highlights:Navy glider crashes in Kochi; The condition of the two is critical

from mathrubhumi.latestnews.rssfeed https://ift.tt/34k8vNK
via IFTTT