ജനീവ: 2018ല് ലോകംകണ്ട ഏറ്റവുംവലിയ പ്രകൃതിദുരന്തം കേരളത്തിലുണ്ടായ മഹാപ്രളയമെന്ന് അന്താരാഷ്ട്ര റിപ്പോര്ട്ട് പുറത്ത് വന്നിരിക്കുന്നു. ആള്നാശം കണക്കാക്കിയാണ് ഇങ്ങനെ റിപ്പോര്ട്ട് ചെയ്തിരിക്കുന്നത്. സാമ്പത്തികനഷ്ടത്തിന്റെ കണക്കെടുപ്പില് ആഗോളദുരന്തങ്ങളില് നാലാമതാണ് ഓഗസ്റ്റിലുണ്ടായ പ്രളയമെങ്കിലും,ദുരന്തം വിതച്ച മരണം വളരെ വലുതാണ്. ഇക്കാര്യം ലോക കാലാവസ്ഥാസംഘടന (ഡബ്ല്യു.എം.ഒ.) വ്യാഴാഴ്ച പുറത്തുവിട്ട റിപ്പോര്ട്ടിലാണ് വിലയിരുത്തിയിട്ടുള്ളത്. മാത്രമല്ല, 1924-നുശേഷം കേരളംകണ്ട ഏറ്റവുംവലിയ പ്രളയം എന്ന് തന്നെ പറയാം. 54 ലക്ഷംപേരെ ഇത് പൂര്ണ്ണമായും ബാധിച്ചിട്ടുണ്ട്. പ്രളയത്തില്പ്പെട്ട് നിലവിലെ കണക്ക് പ്രകാരം 223 പേര് മരിച്ചു. ഇതില് 14 ലക്ഷം പേര്ക്ക് വീടുവിട്ടുപോകേണ്ടിവന്നു. കൂടാതെ,സംസ്ഥാനത്തിന് 30,000 കോടി രൂപയുടെ (430 കോടി യു.എസ്. ഡോളര്) സാമ്പത്തികനഷ്ടമുണ്ടായതായും റിപ്പോര്ട്ടില് വ്യക്തമാക്കുന്നു. എന്നാല്, 483 പേര് മരിച്ചതായാണ് സംസ്ഥാനത്തിന്റെ കണക്ക്.
എന്നാല്, ആള്നാശത്തിന്റെ കാര്യത്തില് കേരളത്തിന് തൊട്ടുപിന്നിലാണ് ജപ്പാന്, കൊറിയ, നൈജീരിയ എന്നിവിടങ്ങളിലുണ്ടായ പ്രളയവും പാകിസ്താനിലുണ്ടായ ഉഷ്ണതരംഗവും്. 35,000 കോടി രൂപയുടെ നഷ്ടമാണ് സെപ്റ്റംബറില് യു.എസിലുണ്ടായ ഫ്ളോറന്സ് ചുഴലിക്കാറ്റ് ഉണ്ടാക്കിയിരിക്കുന്നത്. ഇതാണ് ഏറ്റവുംവലിയ സാമ്പത്തിക നഷ്ടമുണ്ടാക്കിയിരിക്കുന്നത്. മാത്രമല്ല,ആള്നാശത്തില് കേരളത്തിന് തൊട്ടുപിന്നിലുള്ള ജപ്പാനില് ജൂണ്-ജൂലായ് മാസങ്ങളിലുണ്ടായ പ്രളയത്തില് 230 പേര് മരിച്ചു.സെപ്റ്റംബറില് നൈജീരിയയിലുണ്ടായ പ്രളയത്തില് നൂറിലേറെപ്പേരും, ഉത്തരകൊറിയയിലെ വെള്ളപ്പൊക്കത്തില് 76 പേരുമാണ് മരിച്ചിരിക്കുന്നത്. 75 പേരെ കാണാതായിട്ടുണ്ട്. എന്നാല്, പാകിസ്താനിലെ ഉഷ്ണതരംഗത്തില് 65 പേരാണ് മരിച്ചത്.
2017-ല് കേരളത്തിലെ മഹാപ്രളയത്തിലുണ്ടായ നഷ്ടം എന്നത് ഇന്ത്യയിലാകെ മഴക്കെടുതികളിലും വെള്ളപ്പൊക്കത്തിലുമുണ്ടായതിലുമേറെ വലിയ നഷ്ടമാണ്. വീട്, കൃഷിനാശമുള്പ്പെടെ 18,279 കോടി രൂപയുടെ നഷ്ടമാണ് ഇന്ത്യയില് കഴിഞ്ഞവര്ഷം ഉണ്ടായതെന്ന് കേന്ദ്ര ജലക്കമ്മിഷന് വിലയിരുത്തുന്നു. മാത്രമല്ല, കേരളത്തില് മഹാപ്രളയമുണ്ടാക്കിയത് 20,000 കോടിരൂപയുടെ നഷ്ടമാണെന്നാണ് ജലക്കമ്മിഷന് വിലയിരുത്തിയിരിക്കുന്നു. എന്നാല്, നഷ്ടം ഇതിലെത്രയോ അധികമാണെന്ന് ലോകബാങ്കും യു.എന്നും സംസ്ഥാനസര്ക്കാരും കണക്കാക്കുന്നു. ലോകബാങ്കും യു.എന്നും തയ്യാറാക്കിയ റിപ്പോര്ട്ടില് 31,000 കോടിരൂപയുടെ നഷ്ടം സൂചിപ്പിക്കുന്നു. യഥാര്ഥ നഷ്ടം ഇതിലുമേറെയാണെന്ന് സംസ്ഥാനസര്ക്കാര് വാദിക്കുന്നു. കൂടാതെ,സംസ്ഥാനത്തെ അഞ്ച് ജില്ലകളിലെ 33 ലക്ഷംപേരുടെ തൊഴിലവസരങ്ങളെ പ്രളയം പ്രതിസന്ധിയിലാക്കിയെന്ന് ക്ലൈമറ്റ് ട്രെന്ഡ്സ് എന്ന കാലാവസ്ഥാ ഗവേഷണസംഘടന പുറത്തുവിട്ട റിപ്പോര്ട്ടില് പറയുന്നു. കാലാവസ്ഥാമാറ്റമാണ് കേരളത്തില് അസാധാരണ മഴയ്ക്കിടയാക്കിയതെന്ന് കേന്ദ്ര കാലാവസ്ഥാവകുപ്പും കഴിഞ്ഞദിവസം റിപ്പോര്ട്ടുചെയ്തിരുന്നു.
from Anweshanam | The Latest News From India https://ift.tt/2Q9avUu
via IFTTT
