കോട്ടയം: കോട്ടയം സര്ക്കാര് മെഡിക്കല് കോളേജില് എമര്ജന്സി മെഡിസിന് വിഭാഗം ആരംഭിക്കുന്നതിനായി 17 അധിക തസ്തികകള് സൃഷ്ടിക്കാന് മന്ത്രിസഭായോഗം അനുമതി നല്കി. 1 പ്രൊഫസര്, 2 അസോ. പ്രൊഫസര്, 4 അസി. പ്രൊഫസര്, 10 സീനിയര് റസിഡന്റ് എന്നീ തസ്തികകളാണ് സൃഷ്ടിച്ചത്.
അപകടത്തില്പ്പെട്ടോ മറ്റ് അസുഖങ്ങള് ബാധിച്ചോ വരുന്നവര്ക്ക് അടിയന്തര വിദഗ്ധ ചികിത്സ ലഭ്യമാക്കുക എന്ന ലക്ഷ്യത്തോടെയാണ് സംസ്ഥാനത്തെ മെഡിക്കല് കോളേജുകളില് എമര്ജന്സി മെഡിസിന് വിഭാഗം ആരംഭിക്കുന്നത്. ഇതിന്റെ ഭാഗമായാണ് കോട്ടയം മെഡിക്കല് കോളേജിലും എമര്ജന്സി മെഡിസിന് ആരംഭിക്കുന്നത്.
മെഡിസിന്, സര്ജറി, ഓര്ത്തോ പീഡിക്സ് തുടങ്ങിയ പല വിഭാഗങ്ങള് അത്യാഹിത വിഭാഗത്തിലുണ്ടെങ്കിലും അവയുടെ ഏകീകരണമില്ലാത്തതിനാല് പലപ്പോഴും ചികിത്സയ്ക്ക് കാലതാമസമെടുക്കാറുണ്ട്. ഇത് മനസിലാക്കി ഇവയെല്ലാം ഏകോപിച്ചൊരു ചികിത്സാ സമ്പ്രദായം ലഭ്യമാക്കാനാണ് എമര്ജന്സി മെഡിസിന് വിഭാഗം പുതുതായി തുടങ്ങുന്നത്. ഈ എമര്ജന്സി മെഡിസിന് വിഭാഗം പ്രവര്ത്തനസജ്ജമാകുന്നതോടെ ഒട്ടും കാലതാമസമില്ലാതെ ഗോള്ഡന് അവറിനുള്ളില് തന്നെ രോഗികള്ക്ക് മികച്ച ചികിത്സ നല്കി രക്ഷിച്ചെടുക്കാനാകും.
from Anweshanam | The Latest News From Health https://ift.tt/2CaWywM
via IFTTT
