തിരുവനന്തപുരം: കേരളത്തിലെ സ്ഥാനാര്ത്ഥികളെ തീരുമാനിക്കാന് ബി.ജെ.പി കേന്ദ്ര തെരെഞ്ഞെടുപ്പ് സമിതി ഇന്ന് യോഗം ചേരും. ഇന്ന് രാത്രിയോടെ സ്ഥാനാര്ത്ഥി പട്ടിക പ്രഖ്യാപിക്കുമെന്നാണ് സൂചന. അതായത്, പത്തനംതിട്ടയ്ക്ക് വേണ്ടി രംഗത്ത് ഉണ്ടായിരുന്ന കെ.സുരേന്ദ്രനെ ആറ്റിങ്ങലിലും അഫോന്സ് കണ്ണന്താനത്തെ കൊല്ലത്തുമാണ് ബി.ജെ.പി ഇപ്പോള് പരിഗണിക്കുന്നത്.
മാത്രമല്ല, പത്തനംതിട്ടയും തൃശൂരും ഇല്ലെങ്കില് മത്സരിക്കാന് ഇല്ലെന്ന നിലപാടിലാണ് കെ. സുരേന്ദ്രന്. നിലവില് അല്ഫോന്സ് കണ്ണന്താനവും ഇതേ നിലപാടാണ് കേന്ദ്രത്തോട് ആവര്ത്തിച്ചിരിക്കുന്നത്. പത്തനംതിട്ടയില് സുരേന്ദ്രനായി അണികള് ദേശീയ അധ്യക്ഷന് അമിത്ഷായുടെ പേജില് പോലും ക്യാമ്ബയിന് തുടങ്ങിക്കഴിഞ്ഞു.
അതേസമയം ബി.ജി.ഡെ.എസില് നിന്നും തൃശൂര് തിരിച്ചെടുത്ത് അവിടെ സുരേന്ദ്രനെ മത്സരിപ്പിക്കാന് നീക്കവും കഴിഞ്ഞ ദിവസം ബി.ജെ.പി നടത്തിയിരുന്നു. എന്നാല് മണ്ഡലം വിട്ട് തരില്ലെന്നും പാര്ട്ടി അധ്യക്ഷന് തുഷാര് വെള്ളാപ്പള്ളി തന്നെ അവിടെ മത്സരിക്കും എന്നുമാണ് ബി.ഡി.ജെ എസ്സിന്റെ നിലപാട് വ്യക്തമാക്കിയത്.
മാത്രമല്ല, ബി.ജെ.പി ദേശിയ നിര്വാഹക സമിതി അംഗം പി.കെ കൃഷ്ണദാസ്, സംസ്ഥാന ജനറല് സെക്രട്ടറിമാരായ ശോഭ സുരേന്ദ്രന്, എം.ടി രമേശ് എന്നിവര് സ്ഥാനാര്ഥികള് ആകില്ല. കൂടാതെ, കോണ്ഗ്രസ്സ് വിട്ട് ബി.ജെ.പിയിലെത്തിയ ടോം വടക്കനെ എറണാകുളത്തും ചാലക്കുടിയിലും പരിഗണിക്കുന്നുണ്ട്. ഇന്ന് വൈകിട്ട് ആറ് മണിയോടെയാണ് കേന്ദ്ര തെരഞ്ഞെടുപ്പ് സമിതി ചേരുക.
from Anweshanam | The Latest News From India https://ift.tt/2HqMcN6
via IFTTT
