ആ മരുന്നുകള്‍ ഫലിക്കുമോയെന്ന് യാതൊരു ഉറപ്പുമില്ല, കോവിഡ് അനുഭവം പറഞ്ഞ് ഗണേഷ് കുമാര്‍

കൊല്ലം: ഈ രോഗം വരരുത് വന്നാൽ വലിയ ബുദ്ധിമുട്ടുകൾ ഉണ്ടാകും. ഡോക്ടർമാർ തരുന്ന മരുന്നുകൾ പോലും ചിലപ്പോൾ ഫലിച്ചില്ലെന്ന് വന്നേക്കാം. അപ്പോൾ പ്രാർത്ഥനയും ഈശ്വരനും മാത്രമെ നിങ്ങളുടെ കൂട്ടിനുണ്ടാകു. ഇതു പറയുന്നത് മറ്റാരുമല്ല. കെ.ബി ഗണേഷ് കുമാർ എം.എൽ.എ ആണ്. കേരളത്തിൽ കോവിഡ് വ്യാപനം രൂക്ഷമായ പശ്ചാത്തലത്തിലാണ് കോവിഡ് മുക്തനായ ഗണേഷ് കുമാർ തന്റെ അനുഭവങ്ങൾ തുറന്ന് പറഞ്ഞ് രംഗത്തെത്തിയത്. ചിലർക്ക് രോഗം പ്രശ്നങ്ങൾ സൃഷ്ടിക്കില്ല. എന്നാൽ മറ്റുചിലർക്ക് അങ്ങനെയല്ല. ഈ രോഗത്തിന്റെ സ്വഭാവം എപ്പോൾ വേണമെങ്കിലും മാറാം. അങ്ങനെ മാറിയാൽ താങ്ങാൻ കഴിയില്ല സഹായത്തിന് ആരുമില്ലാതെ ആശുപത്രിയിൽ തനിയെ കിടക്കേണ്ടിവരുമ്പോൾ അനുഭവിക്കേണ്ടിവരുന്ന മാനസികാവസ്ഥയെക്കുറിച്ചും ഗണേഷ് കുമാർ മുന്നറിയിപ്പ് നൽകുന്നു. അതുകൊണ്ട് വളരെ അധികം ശ്രദ്ധിക്കണം എന്നും രോഗം പിടിപെടാതെ ഇരിക്കാനുള്ള മുൻകരുതൽ എടുക്കണമെന്നും ഗണേഷ് കുമാർ വ്യക്തമാക്കുന്നു. ഈ രോഗം വന്നാൽ അനുഭവിക്കുന്ന ബുദ്ധിമുട്ടുകൾ വാക്കുകൾകൊണ്ട് പറഞ്ഞറിയിക്കാൻ കഴിയില്ലെന്നും ഗണേഷ് കുമാർ വ്യക്താമാക്കി. Content Highlight: KB Ganesh kumar share Covid experience

from mathrubhumi.latestnews.rssfeed https://ift.tt/3am98Kl
via IFTTT