21ാം ദിവസവും ഇന്ധനവില കൂട്ടി; മൂന്നാഴ്ചക്കിടെ ഡീസലിന് കൂടിയത് 10.45 രൂപ

കൊച്ചി: തുടർച്ചയായ 21-ാം ദിവസും രാജ്യത്തെ ഇന്ധന വില വർധിപ്പിച്ചു. പെട്രോളിന് 25 പൈസയും ഡീസലിന് 20 പൈസയും ശനിയാഴ്ച കൂട്ടി. കഴിഞ്ഞ മൂന്നാഴ്ചക്കിടെ ഒരു ലിറ്റർ ഡീസലിന് 10.45 രൂപയും പെട്രോൾ ലിറ്ററിന് 9.17 രൂപയുമാണ് എണ്ണ കമ്പനികൾ വർധിപ്പിച്ചത്. കോഴിക്കോട് ഒരു ലിറ്റർ പെട്രോളിന് 80.38 രൂപയാണ്ഇന്നത്തെ വില. ഡീസലിന് 76.42 രൂപയും. ഡൽഹിയിൽ പെട്രോളിനെക്കാൾ ഉയർന്ന നിരക്കാണ് ഡീസലിന്. പെട്രോൾ ലിറ്ററിന് 80.38 രൂപയും ഡീസലിന് 80.40 രൂപയുമാണ് വില. 82 ദിവസത്തെ ഇടവേളയ്ക്കുശേഷം ജൂൺ ഏഴ് മുതൽ പെട്രോൾ, ഡീസൽ വില പ്രതിദിനം പരിഷ്കരിക്കാൻ തുടങ്ങിയപ്പോഴാണ് വില കുത്തനെ ഉയരാൻ തുടങ്ങിയത്. രാജ്യാന്തര വിപണിയിൽ വിലത്തകർച്ച വന്ന ഘട്ടത്തിൽ കേന്ദ്ര സർക്കാർ എക്സൈസ് തീരുവ 13 രൂപവരെ ഉയർത്തിയത് തിരിച്ചടിയായി. അന്താരാഷ്ട്ര വിപണിയിലെ ക്രൂഡ് ഓയിൽ വിലയിലെ കുറവ് രാജ്യത്തെ ഉപഭോക്താവിന് ഇതോടെ ലഭിക്കാതായി. content highlights:Petrol, diesel prices hiked for 21th straight day

from mathrubhumi.latestnews.rssfeed https://ift.tt/3iaO2B8
via IFTTT