കേരളമുൾപ്പെടെ എട്ട് സംസ്ഥാനങ്ങളിൽ ഭീകരാക്രമണമുണ്ടാകുമെന്ന് ഭീഷണി. ബെംഗളൂരു സിറ്റി പൊലീസിനാണു ഇന്നലെ വൈകീട്ടത്തോടെ ഫോൺ സന്ദേശം ലഭിച്ചത്. കേരളം, തമിഴ്നാട്, കർണാടക, തെലങ്കാന, പോണ്ടിച്ചേരി, ആന്ധ്രപ്രദേശ്, മഹാരാഷ്ട്ര, ഗോവ എന്നിവടങ്ങളിലാണ് ആക്രമണ ഭീഷണി. ഇതിനായി 19 തീവ്രവാദികൾ തമിഴ്നാട്ടിലെ രാമനാഥപുരത്ത് എത്തിയെന്നാണ് വിവരം.
ശ്രീലങ്കയില് കഴിഞ്ഞ ഈസ്റ്റര് ദിവസം നടന്ന ഭീകരാക്രമണങ്ങളുടെ തുടര്ച്ചയായിട്ടാണ് കേരളം ഉള്പ്പെടെയുള്ള എട്ട് ഇന്ത്യന് സംസ്ഥാനങ്ങളില് സ്ഫോടനം നടത്താന് തീവ്രവാദികള് തയ്യാറെടുക്കന്നതെന്നാണ് സന്ദേശം ലഭിച്ചത്. ട്രെയിനുകളിൽ സ്ഫോടനം നടത്തുമെന്നും ഭീഷണി സന്ദേശത്തിലുണ്ട്.
ബെംഗളൂരു സിറ്റി പൊലീസിന്റെ സന്ദേശത്തെ തുടര്ന്ന് സംസ്ഥാനത്ത് എല്ലാ ജില്ലകളിലെയും പൊലീസ് മേധാവികളോട് ജാഗ്രത പാലിക്കാൻ ഡിജിപി ലോക്നാഥ് ബെഹ്റ നിർദ്ദേശം നൽകി. ഇവര് പ്രധാനമായും ട്രെയിനുകളും ആള്ത്തിരക്കേറിയ നഗരങ്ങളെയും സ്ഫോടനത്തിനായി ലക്ഷ്യമിടാന് സാദ്ധ്യതയുണ്ടെന്ന് സന്ദേശത്തിൽ പറയുന്നു. ബെംഗളൂരു പൊലീസ് നൽകിയ വിവരങ്ങളുടെ അടിസ്ഥാനത്തിൽ സംസ്ഥാനത്ത് അതീവ ജാഗ്രതാ നിർദ്ദേശമാണ് നൽകിയിരിക്കുന്നത്.
from Anweshanam | The Latest News From India http://bit.ly/2PzZU1G
via IFTTT
