കുന്നംകുളം: കുന്നംകുളത്ത് ബുക്ക് കമ്പനി സ്ഥിതിചെയ്യുന്ന കാലപ്പഴക്കമുള്ള ഇരുനില കെട്ടിടത്തിനു തീപിടിച്ച് കെട്ടിടം പൂർണമായി കത്തിനശിച്ച് തകർന്നുവീണു. ആളപായമില്ല. താഴത്തെ പാറയിലെ ബി.ബി.ഐ ബുക്ക് കമ്പനിക്കാണ് തീ പിടിച്ചത്. ഞായറാഴ്ച രാത്രി ഒമ്പതോടെയാണ് സംഭവം. ലക്ഷക്കണക്ക് രൂപയുടെ പുസ്തകങ്ങളും കടലാസുകളും കത്തിനശിച്ചു. ഫയർഫോഴ്സ് ഉദ്യോഗസ്ഥരും പൊലീസും ഏറെ ശ്രമിച്ചാണ് തീ നിയന്ത്രണവിധേയമാക്കിയത്.
ചൊവ്വന്നൂർ അയ്യപ്പത്ത് റോഡിൽ കുത്തൂർ അപ്പു കുഞ്ഞന്റെ ഉടമസ്ഥതയിലുള്ളതാണ് കമ്പനി. കുന്നംകുളം ചെറുവത്തൂർ സി.വി. പോളിന്റെതാണ് കെട്ടിടം. അവധി ദിനവും രാത്രിയുമായതിനാൽ വൻ ദുരന്തം ഒഴിവായി.
ഓടിട്ട ഇരുനില കെട്ടിടത്തിന്റെ പിറകുവശത്തുനിന്ന് തീ ഉയരുന്നതാണ് ആദ്യം ശ്രദ്ധയിൽപ്പെട്ടത്. നിമിഷങ്ങൾക്കകം കെട്ടിടം തകർന്നു വീണു. വഴിയാത്രക്കാരും സമീപവാസികളും ഓടിയെത്തുമ്പോഴേക്കും തീ പടർന്നു. കെട്ടിടത്തിെൻറ ഭാഗങ്ങൾ റോഡിലേക്ക് വീണു. സംഭവത്തെ തുടർന്ന് കുറെ സമയം ഗതാഗതം തടസ്സപ്പെട്ടു. വൈദ്യുതി ബന്ധം പൂർണമായും നിലച്ചു.
from Anweshanam | The Latest News From India https://ift.tt/2V8NrUv
via IFTTT
