വയനാട്: തെരഞ്ഞെടുപ്പ് പ്രചാരണം അവസാന ഘട്ടത്തിലേക്ക് എത്തുകയാണ്. ഈ സ്രമയം പമുഖ ദേശീയ നേതാക്കള് കേരളത്തിലെത്തുന്നു. രാഹുല് ഗാന്ധി മത്സരിക്കുന്ന വയനാട്ടില് അദ്ദേഹത്തിനായി വോട്ടഭ്യര്ത്ഥിക്കാന് വേണ്ടിയാണ് സഹോദരിയും എഐസിസി ജനറല് സ്രെകട്ടറിയുമായ പ്രിയങ്കാ ഗാന്ധി എത്തുന്നത്. മാത്രമല്ല, വയനാട് ലോക്സഭ മണ്ഡലത്തിലെ മാനന്തവാടിയിലും അരീക്കോടും നിലമ്പൂരിലും നടക്കുന്ന തെരഞ്ഞെടുപ്പ് യോഗങ്ങളില് പ്രിയങ്കാ ഗാന്ധി പങ്കെടുക്കുന്നതാണ്.
ശനിയാഴ്ച രാവിലെ കണ്ണൂര് വിമാനത്താവളത്തിലെത്തുന്ന പ്രിയങ്കാ ഗാന്ധി ഹെലികോപ്റ്റര് മാര്ഗം മാനന്തവാടിയിലെത്തും. പിന്നീട് പുല്വാമ ഭീകരാക്രമണത്തില് വീരമൃത്യു വരിച്ച വസന്തകുമാറിന് വീട് സന്ദര്ശിക്കുകയും അവിടെ നിന്ന് പുല്പ്പള്ളിയിലെ കര്ഷകസംഗമത്തിലും പങ്കെടുക്കും. പിന്നീട് അരീക്കോട്ടേക്ക് തിരിക്കുന്നതാണ്. ശനിയാഴ്ച രാത്രി വൈത്തിരിയില് തങ്ങുന്ന പ്രിയങ്കാ ഗാന്ധി ഞായറാഴ്ച രാവിലെ തിരികെ മടങ്ങും.
അതേസമയം, വയനാട് ലോക്സഭാ മണ്ഡലത്തിലെ എന്ഡിഎ സ്ഥാനാര്ത്ഥി തുഷാര് വെള്ളാപ്പള്ളിയുടെ പ്രചാരണത്തിനായാണ് കേന്ദ്രമന്ത്രിയും ബിജെപി നേതാവുമായ സ്മൃതി ഇറാനി വയനാട്ടിലെത്തുന്നത്. സുല്ത്താന് ബത്തേരിയില് എന്ഡിഎ സംഘടിപ്പിക്കുന്ന തുഷാര് വെള്ളാപ്പള്ളിയുടെ റോഡ് ഷോയിലും തെരഞ്ഞെടുപ്പ് പൊതുയോഗത്തിലും സ്മൃതി ഇറാനി പങ്കെടുക്കും.
from Anweshanam | The Latest News From India http://bit.ly/2veOCpS
via IFTTT