ട്രിപ്പോളി: ലിബിയയില് സേനയും വിമതരുമായി രൂക്ഷപോരാട്ടം തുടരുന്നു. വിമതരുടെ ആയുധശാലയില് ലിബിയന് സേന വ്യോമാക്രമണം നടത്തിയെന്നാണ് റിപ്പോര്ട്ട്. ജനറല് ഖലീഫ ഹഫ്താറിന്റെ നേതൃത്വത്തിലുള്ള വിമതസൈന്യവും ലിബിയന് സര്ക്കാരിനെ പിന്തുണയ്ക്കുന്ന സേനയും തമ്മിലാണ് ഏറ്റുമുട്ടല്.
ഒരു മണിക്കൂറോളം നീണ്ട വ്യോമാക്രമണത്തില് ട്രിപ്പോളിയിലെ മറ്റു വിമത കേന്ദ്രങ്ങളും ആക്രമിക്കപ്പെട്ടതായി പ്രദേശിക മാധ്യമം അക്ബര് ലിബിയ റിപ്പോര്ട്ട് ചെയ്തു. പ്രധാനമന്ത്രി ഫായിസ് അല് സറാജിനെ പുറത്താക്കാനാണ് വിമതര് ആക്രമണം നടത്തുന്നത്.
2011-ല് മുന് ഏകാധിപതി മുഅമര് ഗദ്ദാഫി കൊല്ലപ്പെട്ടതോടെ രാഷ്ട്രീയ അസ്ഥിരതയില് തുടരുകയാണ് ലിബിയ.. ഗദ്ദാഫി വധിക്കപ്പെട്ടതിനെത്തുടര്ന്ന് ഏറെനാളത്തെ ചര്ച്ചകള്ക്കുശേഷമാണ് 2015-ല് യു.എന്. പിന്തുണയോടെ ജി.എന്.എ. സര്ക്കാര് അധികാരത്തില് വന്നത്.
from Anweshanam | The Latest News From India http://bit.ly/2Pzdm5V
via IFTTT