ന്യൂഡല്ഹി: സുപ്രീം കോടതി ചീഫ് ജസ്റ്റീസ് രഞ്ജന് ഗൊഗോയ്ക്കെതിരായ ലൈംഗിക അതിക്രമ പരാതി അന്വേഷിക്കുന്ന ആഭ്യന്തര സമിതി പുനസംഘടിപ്പിച്ചു. സമിതിയില് ജസ്റ്റീസ് ഇന്ദു മല്ഹോത്രയെ കൂടി ഉള്പ്പെടുത്തി. ജസ്റ്റീസ് എന്.വി. രമണ പിന്മാറിയതിനെ തുടര്ന്നാണ് നിയമനം.
ജസ്റ്റിസ് എൻ വി രമണ സമിതിയിൽ തുടരുന്നത് തനിക്ക് നീതി കിട്ടാത്ത സാഹചര്യം ഉണ്ടാക്കും എന്നുകാട്ടി പരാതി നൽകിയ യുവതി ഈ സമിതിക്കുതന്നെ ഒരു കത്ത് നൽകി. ജസ്റ്റിസ് എൻ വി രമണ ചീഫ് ജസ്റ്റിസിന്റെ അടുത്ത സുഹൃത്താണെന്നും ചീഫ് ജസ്റ്റിസിന്റെ വസതിയിലെ സ്ഥിരം സന്ദർശകനാണ് എന്നുമായിരുന്നു ഇതിന് കാരണമായി യുവതി കത്തിൽ പറഞ്ഞത്. ഇതിന് പിന്നാലെ ജസ്റ്റിസ് എൻ വി രമണ സമിതിയിൽ നിന്ന് സ്വയം പിന്മാറി. ജസ്റ്റിസ് എൻ വി രമണയ്ക്ക് പകരമായാണ് ജസ്റ്റിസ് ഇന്ദു മൽഹോത്രയെ സമിതിയിൽ ഉൾപ്പെടുത്തിയത്. എല്ലാ രേഖകളും തെളിവുകളുമായി ഈ സമിതിക്ക് മുമ്പാകെ നാളെ ഹാജരാകാൻ പരാതിക്കാരിയായ യുവതിക്ക് നോട്ടീസ് നൽകിയിട്ടുണ്ട്.
റിട്ട. ജസ്റ്റിസ് എ കെ പട്നായികിന്റെ മേൽനോട്ടത്തിലുള്ള സമിതിയാകും അന്വേഷിക്കുക. അന്വേഷണത്തിന് ആവശ്യമായ എല്ലാ സഹായവും സിബിഐ, ഐബി, ദില്ലി പൊലീസ് എന്നീ അന്വേഷണ ഏജൻസികൾ നൽകണമെന്നും സുപ്രീം കോടതി നിർദ്ദേശിച്ചിട്ടുണ്ട്. ചീഫ് ജസ്റ്റിസിനെതിരെ ഗൂഢാലോചന നടന്നുവെന്ന വെളിപ്പെടുത്തലിൽ ഉള്ള അന്വേഷണം യുവതിയുടെ പരാതിയിന്മേലുള്ള അന്വേഷണത്തെ ബാധിക്കില്ലെന്നും ഉത്തരവിൽ പറയുന്നുണ്ട്.
മുന് ജൂനിയര് കോര്ട്ട് അസിസ്റ്റന്റാണ് ചീഫ് ജസ്റ്റീസിനെതിരേ ആരോപണമുന്നയിച്ച് 22 സുപ്രീം കോടതി ജഡ്ജിമാര്ക്ക് കത്ത് നല്കിയത്. 2018 ഒക്ടോബര് 10, 11 തീയതികളില് ന്യൂഡല്ഹിയിലെ ചീഫ് ജസ്റ്റീസിന്റെ ഒൗദ്യോഗിക വസതിയിലെ ഓഫീസില് പീഡിപ്പിക്കാന് ശ്രമിച്ചു എന്നായിരുന്നു യുവതിയുടെ ആരോപണം.
from Anweshanam | The Latest News From India http://bit.ly/2UGF4hM
via IFTTT