വൈ ഫൈ കോളിങ്: എയര്‍ടെല്ലിന് 10 ലക്ഷം ഉപഭോക്താക്കളായി

മുംബൈ: അടുത്തയിടെ അവതരിപ്പിച്ച വൈ ഫൈ കോളിങ് സംവിധാനത്തിൽ രജിസ്റ്റർ ചെയ്തവരുടെ എണ്ണം പത്തുലക്ഷം കടന്നതായി ഭാരതി എയർടെൽ. ഉപഭോക്താക്കൾക്ക് മികച്ച വോയ്സ് കോളിങ് സംവിധാനം ഒരുക്കുന്നതിന്റെ ഭാഗമായാണ് പുതിയ സംവിധാനം കമ്പനി നടപ്പാക്കിയത്. പ്രത്യേകം ആപ്പോ, സിം കാർഡോ ആവശ്യമില്ലാതെ സ്മാർട്ട്ഫോൺ ഉപയോഗിച്ച് കോൾ ചെയ്യാനുള്ള സൗകര്യമാണ് കമ്പനി ഒരുക്കിയിട്ടുള്ളത്. ഇന്ത്യയിലൊട്ടാകെ ഈ സൗകര്യം കമ്പനി അവതരിപ്പിച്ചിട്ടുണ്ട്. ഏതെങ്കിലും വൈ ഫൈ ഉപയോഗിച്ച് ഫോൺ വിളിക്കാൻ സംവിധാനത്തിലൂടെ കഴിയും. 16 സ്മാർട്ട് ഫോൺ ബ്രാൻഡുകളുടെ 100 ലേറെ മോഡലുകൾക്ക് ഈ സൗകര്യം നൽകാനാവും. പ്രധാന എതിരാളിയായ ജിയോ ഈ സേവനം നൽകി രണ്ടുദിവസത്തിനുള്ളിലാണ് എയർടെൽ വെള്ളിയാഴ്ച പുതിയ വിവരങ്ങൾ പുറത്തുവിട്ടത്. ജനുവരി ഏഴിനാണ് പുതിയ സംവിധാനത്തിന് ജിയോ തുടക്കമിട്ടത്. 16ന് ഇന്ത്യയൊട്ടാകം നിലവിൽവരുമെന്നും കമ്പനി അറിയിച്ചു. ഡൽഹി, മുംബൈ, തമിഴ്നാട്, കൊൽക്കത്ത, ആന്ധ്രപ്രദേശ് എന്നിവിടങ്ങളിൽ സേവനം ആരംഭിച്ചതായി ഭാരതി എയർടെൽ ഡിസംബറിൽതന്നെ പ്രഖ്യാപിച്ചിരുന്നു. Airtel says WiFi calling feature crossed 1 million users

from mathrubhumi.latestnews.rssfeed https://ift.tt/35DEhUt
via IFTTT