ഗുരുഗ്രാം (ഹരിയാന): ക്ലാസിൽ സംസാരിച്ചതിന്റെ പേരിൽ അധ്യാപിക എൽ.കെ.ജി വിദ്യാർഥികളുടെ വായിൽ സെല്ലോ ടേപ് ഒട്ടിച്ചു. നാല് വയസ്സുള്ള ആൺകുട്ടിയുടെയും പെൺകുട്ടിയുടെയും വായിലാണ് ക്ലാസ് നടന്നുകൊണ്ടിരിക്കുമ്പോൾ അധ്യാപിക ടേപ് ഒട്ടിച്ചത്. സംഭവത്തിൽ സെലോടേപ്പ് ഒട്ടിച്ച ടീച്ചറെ സസ്പെൻഡ് ചെയ്തു.
കുട്ടികളുടെ രക്ഷിതാക്കളുടെ പരാതിയിലാണ് ടീച്ചറെ സസ്പെൻഡ് ചെയ്തത്. ഒക്ടോബറിൽ നടന്ന സംഭവത്തിന്റെ വിഡിയോ സമൂഹ മാധ്യമങ്ങളിൽ പ്രചരിച്ചതിനെ തുടർന്ന് സ്കൂൾ അധികൃതർ അന്വേഷണം നടത്തി സംഭവം സ്ഥിരീകരിക്കുകയായിരുന്നു.
മോശം ഭാഷ ഉപയോഗിക്കുകയും ക്ലാസിലെ മറ്റു കുട്ടികളെ ശല്യപ്പെടുത്തുകയും ചെയ്തതു കൊണ്ടാണ് ഇങ്ങനെ ചെയ്യേണ്ടി വന്നതെന്നായിരുന്നു അധ്യാപികയുടെ ന്യായീകരണം.
from Anweshanam | The Latest News From India https://ift.tt/2rsct3R
via IFTTT
